තම නිවසට පැමිණි පේරාදෙණිය රෝහලේ දන්ත වෛද්යවරයාට පහර දුන් බවත්, එලෙස පහර දුන්නේ තමා නොව කාලි මෑණීයන් ආරූඪ වීමෙන් බවත් කෑගල්ලේ ධම්මික බණ්ඩාර කෑගල්ල ජ්යෙෂ්ඨ පොලිස් අධිකාරි කාර්යාලයේදී පිළිගෙන තිබේ.
මෙලෙස ධම්මික බණ්ඩාරගෙන් පහර කා තිබුණේ පේරාදෙණිය රෝහලේ දන්ත වෛද්ය එස්.ඒ.ආර්. මද්දුමබණ්ඩාරයි.
පසුගියදා ධම්මික බණ්ඩාරගේ නිවසට ගිය අවස්ථාවේදී තමන්ට ඔහු පහරදුන් බවට ද මෙම දන්ත වෛද්යවරයා පේරාදෙණිය පොලීසියට පැමිණිල්ලක් කර තිබිණ.
පසුව පැමිණිල්ල කෑගල්ල පොලීසියට මාරු කෙරුණු අතර, එම පැමිණිල්ල ඉන් අනතුරුව වරකාපොල පොලීසියට මාරුකර තිබිණ.
කෙසේ වෙතත් තමා විසින් වෛද්යවරයාට පහරදුන් බවත් බලහත්කාරයෙන් වෛද්යවරයා ස්වයං පාපොච්චාරණ සිදුකරන වීඩියෝවක් පටිගත කළ බවත් ධම්මික බණ්ඩාර අද පොලීසියේදී පිළිගෙන ඇත.
මෙහිදී සිදුකළ වරදවල්වලට ධම්මික බණ්ඩාර මාධ්ය හමුවේ ප්රසිද්ධියේ සමාව ගන්නා බවට ප්රකාශ කිරීම නිසා පැමිණිල්ල සමථයකට පත් කිරීමට කටයුතු කළ බව පහර කෑමට ලක්වූ වෛද්යවරයා සඳහන් කළේය.
සමථයකට පත්වීමෙන් අනතුරුව ධම්මික බණ්ඩාර විසින් මාධ්යයට අදහස් නොදක්වා තමාගේ සුඛෝපභෝගී ප්රාඩෝ වර්ගයේ මෝටර් රථයෙන් පොලීසියෙන් පිටව ගිය ආකාරයක් දැකගන්නට ලැබිණ.
