ඉදිරිපත් වී ඇති ත්රස්ත විරෝධී පනත් කෙටුම්පතේ ඇතැම් කරුණු සම්බන්ධයෙන් තමා එකඟ නොවන බව විදේශ කටයුතු අමාත්ය ජනාධිපති නීතිඥ අලි සබ්රි මහතා පවසයි.
එම පනත් කෙටුම්පත සංශෝධනය කළ යුතු බවට ආණ්ඩුවේ සියලුදෙනා පොදු මතයක සිටින බව ඒ මහතා ‘දෙරණ” ඔස්සේ විකාශය වූ 360 කාලීන වැඩසටහනට එක්වෙමින් වැඩිදුරටත් ප්රකාශ කළේය.
“පොදුවේ සමහර දේවල් තියෙනවා මට එකඟවෙන්න බැරි. මම කැබිනට් එකේදී එ්ක කිව්වා. පළවෙනි එක තමයි මම එකඟවෙන්නේ නෑ DIG කෙනෙකුට රැඳවුම් නියෝග නිකුත් කරන්න දෙන එකට. ඒක දෙන්නට බෑ. එක්කෝ අමාත්යවරයා යටතේ තියෙන්න ඕනේ එහෙම නැත්නම් අවම වශයෙන් ආරක්ෂක ලේකම් ළඟ නවතින්න ඕනේ. පුළුල් definition එකක් දීමා ඉතාම භයානකයි. මේක misuse කරන්න පුළුවන්. පොදුවේ හැමෝටම කතා කරන්න පුළුවන්, පිළිගත හැකි සාමාන්ය නීතිය ලෙස යොදාගැනීමට නෙමෙයි ව්යාතිරේඛයක් ලෙස යොදාගැනීමට හැකි, ත්රස්තවාදි අවස්ථාවක පමණක් මේක යොදාගත හැකි නීතියක් ලෙස මේක ක්රියාත්මක විය යුතුයි කියන තැන අපි හැමෝම ඉන්නවා.”
