රජයක ප්රතිපත්ති ක්රියාත්මක කිරීමේ ක්රමවේදය සැකසීම රාජ්ය බැංකු සතු වගකීමක් බවත්, බිඳ වැටී ඇති ආර්ථිකය ගොඩගැනීමට රාජ්ය බැංකු සෘජුවම දායකවිය යුතු බවත් ජනාධිපති ගෝඨාභය රාජපක්ෂ මහතා අවධාරණය කරයි.
මේ තත්ත්වය හඳුනාගෙන ආර්ථිකය සක්රීය කොට පවත්වාගැනීමේ ක්රමෝපාය ඉදිරියට ගෙන යාම බැංකුවල ප්රමුඛ වගකීම බව ජනාධිපතිවරයා පැවසීය.
ලංකා බැංකුවේ ක්රියාකාරීත්වය සමාලෝචනය කිරීම සඳහා අද (15) ජනාධිපති කාර්යාලයේ පැවති සාකච්ඡාවක දී ජනාධිපතිවරයා මේ බව සඳහන් කළේය.
ණය සඳහා ඉලක්කම් 02ක පොළියක් අය කිරීමෙන් රටක අපේක්ෂා ඉටු කළ නොහැකි බව පෙන්වා දුන් ජනාධිපතිවරයා එය තනි ඉලක්කමක පහළ අගයකට ගෙනැවිත් සංවර්ධනයට සහාය වීමේ අවශ්යතාව අවධාරණය කළේය.
තමාගේ ඥාතීන්ට, හිතවතුන්ට හෝ උපකාර කළ පිරිසට ණය දෙන ලෙස කිසි විටෙකත් තමා බැංකුවලට කියා නැති බවත්, ගොවියාගේ සිට සුළු හා මධ්ය පරිමාණ කර්මාන්තකරුවාට සහ ආයෝජකයන් අපේක්ෂා කරන මූල්යමය සහය දීමට රාජ්ය බැංකු පෙරමුණ ගත යුතු බවත් රාජපක්ෂ මහතා පැවසීය.
“අද පවතින තත්වයට ලෝකයේ කිසිදු රටක් මෙතෙක් මුහුණ දී නැත. ඉන් මිදිය හැක්කේ කෙසේද යන්න පැරණි රටාවෙන් බැහැරව සිතිය යුතුය. වැටී ඇති ආර්ථිකය නගාසිටුවීම සාම්ප්රදායික ක්රමවේද මගින් පමණක් කළ නොහැකියි“.
ජනතාව තමාට ලබාදී ඇති බලය ක්රියාත්මක කරමින් සමස්ථ රටවැසියාගේ අපේක්ෂා ඉටු කිරීමට පසුබට නොවන බව ජනාධිපතිවරයා අවධාරණය කළේය.
එය කිසිසේත් දේශපාලනය වෙනුවෙන් නොව රට වෙනුවෙන් බව පෙන්වා දුන් ජනාධිපතිවරයා ඊට බාධා කරන්නේ නම් සුදුසු පියවර ගැනීමට පසුබට නොවන බව ද සඳහන් කළේය.
“2015ට පෙර 7% ත් 8% ත් අතර පැවති ආර්ථික වර්ධන වේගය 2019 වන විට 2% ටත් වඩා පහත වැටිණ. කොවිඩ් වසංගතයත් සමග බිඳවැටුණු ලෝක ආර්ථිකය හමුවේ එය තවදුරටත් කඩාවැටී ඇත. මේ සියලු කරුණු වටහාගනිමින් රටේ ආර්ථික පුනරුදය සඳහා වෙනුවෙන් රජයේ ප්රතිපත්ති ක්රියාත්මක කිරීමට සහායවීම රාජ්ය බැංකු සතු වගකීමක්“.
