විපක්ෂ නායක සජිත් ප්රේමදාස මහතා “විපක්ෂ නායක ජංගම සේවය”ට සහභාගී වූයේ කතරගම වල්ලිමාතාගම ජනතා ගැටලු සාකච්ඡා කිරීමට ය.
ස්වයං රැකියාවල යෙදෙන්නන්, දෛනික කුලීකම්කරුවන්,ඇතුලු පිරිසක් එම අවස්ථාවට එක්වී සිය ගැටලු විපක්ෂ නායකතුමාට ඉදිරිපත් කළහ.
එහිදී කතරගම මූලික රෝහලේ අඩුපාඩු සම්බන්ධයෙන් ජනතාව විපක්ෂ නායකවරයාගේ අවධානය යොමු කළ අතර ඒ මොහොතේම කතරගම රෝහලේ වෛද්යවරුන්ට දුරකතන ඇමතුම් ලබා දුන් ප්රේමදාස මහතා අඩුපාඩු විමසා සිටියේය.
එහිදී වෛද්යවරයා පවසා සිටියේ මල්ටි පැරා මොනිටර් උපකරණවල හිගයක් පවතින බවක්.
ඒ අනුව ප්රේමදාස මහතා එම උපකරණ 5ක් රෝහලට ලබා දෙන බවට පොරොන්දුවක් දුන්නේය.
මෙම ගැටලු පිළිබඳව තමන් බලධාරීන්ගේ අවධානය යොමු කරන බවත්,පාර්ලිමේන්තුවේ මෙන්ම ඉන් පිටතත් මේ පිළිබඳව හඩ නගන බවත් සජිත් ප්රේමදාස මහතා පැවසීය.
