කෘෂි සහ පානීය ජල ගැටළුවට විසඳුමක් ලෙස මාරවිල, නයිනමඩම කරදිය බැම්ම පිළිසකර කර දෙන්නැයි ප්රදේශවාසීහු ජනාධිපතිතුමාගෙන් ඉල්ලති.
කරදිය බැම්මේ ජල පෙරණය අක්රීය වී තිබේ. එය යථා තත්වයට පත් කිරීමෙන් පවුල් සිය ගණනකට පානීය ජලය සහ කුඹුරු අක්කර 2000කට අධික ප්රමාණයකට වගා ජලය සපයාගත හැකි බව ජනතාව පෙන්වා දෙති.
පොදුජන පෙරමුණෙන් මහ මැතිවරණයට තරගවදින අපේක්ෂකයන්ගේ ජයග්රහණය තහවුරු කිරීම පිණිස පුත්තලම, මාරවිල පොළ භූමියේ පැවති ජන හමුවට අද (06) පස්වරුවේ එක් වූ ජනාධිපති ගෝඨාභය රාජපක්ෂ මැතිතුමා සමග ඔව්හු මේ බව සඳහන් කළහ. හිටපු රාජ්ය අමාත්ය දයාශ්රිත තිසේරා මහතා විසින් හමුව සංවිධාන කර තිබිණ.
හිටපු රාජ්ය අමාත්ය සනත් නිශාන්ත මහතා මානවේරිය, බංගදෙණිය, පාලිත රෝහණ මහතා මාදප්පේ තනිවැල්ලේ දේවාලය අසල සහ ඒ.එච්.එම් රියාස් මහතා පුත්තලම මදුරන්කුලිය පොළ භූමිය අසළ සංවිධාන කර තිබූ ජන හමුවලට ද ජනාධිපතිතුමා සහභාගී විය.
මාදම්පේ පැවති ජන හමුවේ දී හලාවත නගර සභාවේ මන්ත්රීවරු ජනාධිපතිතුමා වෙත යෝජනාවලියක් භාර දුන්හ.
අශෝක ප්රියන්ත මහතා නාත්තණ්ඩිය, මාවින්න ධම්මිස්සර විද්යාලය ඉදිරිපිට සහ නිලන්ත ප්රනාන්දු මහතා මූදුකටුව ශරීර සුවතා මධ්යස්ථානය අසළ සංවිධාන කළ ජනහමුවලට ද එක් වූ ජනාධිපතිතුමා රැස්ව සිටී ජනතාවගේ තොරතුරු විමසීය.
මත්ද්රව්ය උවදුර රටින් තුරන් කිරීමට ගන්නා උත්සාහයට පුත්තලම දිස්ත්රික්කයේ ප්රදේශ රැසක ජනතාව ජනාධිපතිතුමා වෙත ප්රසාදය පළ කළහ. ට්රෙවින් ප්රනාන්දු මහතා වෙන්නප්පුව සම්පත් උත්සව ශාලාව ඉදිරිපිට දී, ජගත් ප්රියංකර මහතා සිංගක්කුලිය, වෑකඩ දී සහ අරුන්දික ප්රනාන්දු මහතා දංකොටුව නගර මධ්යයේ සංවිධාන කර තිබූ ජන හමුවලට සහභාගී වූ ජනාධිපතිතුමා හමුවේ මේ බව සඳහන් කෙරිණි.
රට මුහුණ පා ඇති සෙසු අභියෝග ජය ගැනීම සඳහා ශක්තිමත් පාර්ලිමේන්තුවක් බිහි කිරීමට දායකවන්නැයි ජනාධිපතිතුමා ජනතාවගෙන් ඉල්ලා සිටියහ.
