තරුණ හා ක්රීඩා අමාත්ය නාමල් රාජපක්ෂ මැතිතුමාගේ සංකල්පයක් අනුව, ජනාධිපති කාර්යසාධක බළකායේ අනුමැතියෙන්, අග්රාමාත්ය කාර්යාලය හරහා ක්රියාත්මක වන “ග්රාමීය ආර්ථිකය නඟා සිටුවීමේ ජාතික වැඩසටහනේ” තවත් එක් අදියරක් ඊයේ (08) යාපනය හා කිලිනොච්චිය දිස්ත්රික් දෙකම ආවරණය වන පරිදි යාපනය දිස්ත්රික් ලේකම් කාර්යාල ශ්රවණාගාරයේදී පැවැත්වුණි.
ජනාධිපති ගෝඨාභය රාජපක්ෂ මැතිතුමා විසින් ඉදිරිපත් කළ සෞභාග්යයේ දැක්ම ප්රතිපත්ති ප්රකාශනයේ සඳහන් පරිදි ජාතික ආර්ථිකය ගොඩනැගීම සඳහා ජනතා කේන්ද්රීය ආර්ථිකයක් සකස් කිරීම මූලික කරගෙන සෞභාග්යමත් දේශයක් ගොඩනැගීම වෙනුවෙන් රාජ්ය යාන්ත්රණය ගමට ගෙන යාම මෙම වැඩසටහන මූලික හරය වේ.
එහිදී නාමල් රාජපක්ෂ අමාත්යවරයාගේ සභාපතීත්වයෙන් රැස්වූ ” සමාජීය යටිතල පහසුකම් කමිටුව” විසින් යාපනය හා කිලිනොච්චි දිස්ත්රික් දෙක සදහා අමාත්යාංශ විසින් ඉදිරි වසරේ ක්රියාත්මක කිරීමට නියමිත සංවර්ධන ව්යාපෘති පිළිබඳව නිළධාරීන් දැනුවත් කරන ලදි.
නිළධාරීන් විසින් දිස්ත්රික්කය තුළ පවතින ගැටලු ඉදිරිපත් කළ අතර, අදාල අමාත්යාංශය හරහා එම ගැටලුවලට එම මොහොතේදී පිළිතුරු ලබා දෙන ලදි.
කිලිනොච්චිය දිස්ත්රික් ක්රීඩාංගණයේ වැඩ කටයුතු කඩිනමින් සම්පූර්ණ කරන බව එම මොහොතේ නැගූ ප්රශ්නයකට පිළිතුරු දුන් අමාත්යවරයා පෙන්වා දුන්නේ ඉදිකිරීම් අවසන් කර නොමැති සියලුම ක්රීඩාංගණ ඉදිරි වසර කීපය තුළ වැඩ නිම කර ක්රීඩක ක්රීඩිකාවන්ට බාර දෙන බවයි.
රටේ ව්යසනයක්ව පවතින මත්ද්රව්යවලට ඇබ්බැහිවූ තරුණ පිරිස් පුනරුත්ථාපනය කිරීම සදහා මධ්යස්ථානයක් ඇති කිරීමට පියවර ගන්නා බව දැනුම් දුන් අමාත්යවරයා තරුණ තරුණියන්ට බහුකාර්ය තරුණ මධ්යස්ථාන පිහිටුවීමට වැඩසටහනක් ක්රියාත්මක බව දැනුම් දෙනු ලැබීය.
එම මධ්යස්ථාන තුළ එළිමහන් ශරීර සුවතා ඒකකයක්, ඇවිදීමේ මංතීරුවක්, අන්තර්ජාල පහසුකම් සහිත පරිගණක ඒකකයක්, ආපනශාලා වැනි පහසුකම් ඇති කර පවුලේ සැමට එකතු වී ක්රීඩා කළ හැකි, නිදහසේ කාලය ගත කරන්න හැකි පරිදි සකස් වන බව පෙන්වා දෙන ලදි.
එමගින් තරුණ දරුවන් මත්ද්රව්යවලට ඇබ්බැහි වීම වළක්වාගැනීම, පවුලේ සැම එකව සුහදතාව වර්ධනය කර ගැනීම මෙන්ම දෛනික ව්යායාම කටයුතු තුළින් ශරීර සුවතාව පවත්වාගෙන යාමට මනා පිටුවහලක් වනු ඇතැයි අමාත්යවරයා වැඩි දුරටත් ප්රකාශ කළේය.
මෙම සංවර්ධන කමිටු සාකච්ඡාව සඳහා උතුරු පළාත් ආණ්ඩුකාර පී.එච්.එම්. චාල්ස් මැතිනිය, යාපනය දිස්ත්රික් ලේකම් කේ. මහේෂන් මැතිතුමා, කැබිනට් අමාත්ය ඩග්ලස් දේවානන්ද, මැතිතුමා සහ ලසන්ත අලගියවන්න, ප්රියංකර ජයරත්න, පියල් නිශාන්ත, සිසිර ජයකොඩි, අංගජන් රාමනාදන් ,සී.වී. විග්නේෂ්වරන්, ධර්මලිංගම් සිද්ධාර්ථන්, සුබ්රමනියම් සිරිදරන්, එම්.ඒ.සුමන්දිරන් ඇතුළු මැති ඇමැතිවරුන් සහ යාපනය දිස්ත්රික්කයේ රාජ්ය ආයතන නියෝජනය කරමින් බොහෝ නිලධාරීන් සහභාගි වී සිටියහ.
