තවත් කොවිඩ් මරණ 4ක් ඊයේ (22) දින වාර්තා වීමත් සමග මෙරටින් වාර්තා වී ඇති කොවිඩ් මරණ ගණන 87ක් බව සෞඛ්ය සේවා අධ්යක්ෂ ජනරාල්වරයා විසින් තහවුරු කර තිබේ.
ඊයේ මියගිය පිරිසගේ තොරතුරු මෙසේය.
01. කොළඹ 15 ප්රදේශයේ පදිංචිව සිටි 70 හැවිරිදි කාන්තාවකි. කොළඹ ජාතික රෝහලට ඇතුළු කරනවිට මියගොස් ඇත. මරණය වී ඇත්තේ නොවැම්බර 21 වනදාය. මරණයට හේතුව කොවිඩ් නිව්මෝනියා තත්ත්වයයි.
02. කොළඹ 12 ප්රදේශයේ පදිංචිව සිටි 53 හැවිරිදි පිරිමි පුද්ගලයෙකි. කොළඹ ජාතික රෝහලට ඇතුළු කරන අවස්ථාවේදී මියගොස් ඇත. මරණය වී ඇත්තේ නොවැම්බර 20 වනදාය. මරණයට හේතුව ලෙස දැක්වෙන්නේ නිධන්ගත පෙනහළු රෝගයක් කොවිඩ් හේතුවෙන් උත්සන්න වීමය.
03. බොරැල්ල ප්රදේශයේ පදිංචිව සිටි 84 හැවිරිදි කාන්තාවකි. නිවසේදී මියගොස් ඇත. මරණය වී ඇත්තේ නොවැම්බර 21 වනදාය. මරණයට හේතුව කොවිඩ් -19 සමග ඇතිවූ නිව්මෝනියා තත්ත්වයයි .
04. කොළඹ 10 ප්රදේශයේ පදිංචිව සිටි 75 හැවිරිදි පිරිමි පුද්ගලයෙකි. කොවිඩ් ආසාදිතයෙක් ලෙස හඳුනාගැනීමෙන් පසුව කොළඹ ජාතික රෝහලේ සිට IDH රෝහල වෙත ඒවා ඇත. එම රෝහලේ දැඩි සත්කාර ඒකකයේ සිටියදී නොවැම්බර 22 දින මියගොස් ඇත. මරණයට හේතුව කොවිඩ් ආසාදනය සමග ඇතිවූ නිව්මෝනියා තත්ත්වයයි.
මේ අතර ඊයේ (22) දිනය තුළදී මෙරටදී කොවිඩ් ආසාදිතයින් 391 දෙනෙක් හඳුනාගැනීමත් සමග පසුගිය ජනවාරි මස සිට මේ දක්වා මෙරටදී හමුවී ඇති සමස්ථ කොවිඩ් රෝගීන් ගණන 20,171කි.
ඉන් 14,069 දෙනෙක් සම්පූර්ණ සුවය ලබා ඇති අතර මේ වනවිට 6,015 දෙනෙක් රෝහල්වල ප්රතිකාර ලබති.
