කෙන්යාවේ නිල සංචාරයක් සදහා පිටත්ව ගිය නාමල් රාජපක්ෂ ඇමැතිවරයා නැවත ලංකාවට එන අතරවාරයේදී මාලදිවයිනටද ගොස් එරට ජනාධිපති ඊබ්රහිම් මොහොමඩ් සෝලි මහතාද හමුවීමට පියවර ගෙන ඇත.
එමෙන්ම එරට පැවැති පාපන්දු තරගයක්ද නැරඹීමට අමාත්යවරයා පියවර ගෙන ඇත.
ඒ සම්බන්ධයෙන් අමාත්යවරයා තබා තිබූ සටහන මෙසේය.
“කෙන්යාවේ සංචාරයක් නිමවා නැවත මව් බිම බලා ගමන් ගන්නා අතරතුර පැය කිහිපයක් සඳහා සුන්දර මාලදිවයින රාජ්යයේ නතරවෙමින් ශ්රී ලංකාවේ සමීපතම මිතුරෙකු ලෙස දෙරට අතර සබදතා තවදුරටත් ශක්තිමත් කරගැනීම සදහා ද්වීපාර්ශවික සාකච්ඡා කිහිපයකට සහභාගී වීමට ලැබීම ගැන අතිශයින් සතුටට පත් වෙමි. එමෙන්ම රාජකාරී කටයුතු අතරතුර ලැබෙන සුළු විවේකයේදී ශ්රී ලංකාව සහ මාලදිවයින අතර අදදින පැවැත්වෙන සාෆ් ශූරතා පාපන්දු තරගයද නැරඹීමටද මා බලාපොරොත්තු වෙමි”
