කොළඹ විශ්වවිද්යාලයේ උපකුලපතිවරයා (VC) පත්කිරීමේදී සිදුවූ අක්රමිකතා මුල්කරගෙ එම විශ්වවිද්යාල කවුන්සිලයේ පත්කළ සාමාජිකයින් තිදෙනෙකු ඉල්ලා අස්වී තිබේ.
තිලක් කරුණාරත්න, අජිත් ගුණවර්ධන සහ සුමිත් කුමාරතුංග යන තිදෙනා මෙසේ සිය ඉල්ලා අස්වීම විශ්වවිද්යාල ප්රතිපාදන කොමිෂන් සභාවේ ජ්යෙෂ්ඨ මහාචාර්ය සම්පත් අමරතුංග මහතා වෙත බාර දී ඇත.
වසර තුනක් එම තනතුරේ සේවය කළ මහාචාර්ය චන්ද්රිකා විජයරත්න මහත්මිය වෙනුවට පසුගියදා ජ්යෙෂ්ඨ මහාචාර්ය එච්.ඩී. කරුණාරත්න මහතා උපකුලපතිවරයා ලෙස පත් කෙරිණි.
ප්රකට ව්යාපාරිකයකු වන ගුණවර්ධන සිය ඉල්ලා අස්වීමේ ලිපියේ සඳහන් කර තිබුණේ උපකුලපතිවරයා පත්කිරීමේදී තමන් දැඩිව විශ්වාස කරන යහපාලන මූලධර්මවලට අනුව කටයුතු නොකිරීම හේතුවෙන් ප්රතිපත්තිමය කරුණක් මත තමන් ඉල්ලා අස්වන බවයි.
“කවුන්සිලය විසින් උපකුලපතිවරයා සඳහා නිර්දේශ කරනු ලැබුවේ ඉතා සූක්ෂම ලෙස පිළිපැදිය යුතු තෝරා ගැනීමේ ප්රොටෝකෝලය අනුගමනය කිරීමෙන් පසුවය. තර්කානුකූලව වඩා දේශපාලනික ලෙස පෙනෙන හේතු නිසා මෙය තරම් වැදගත් නිර්දේශ නොසලකා හැර හිතුවක්කාර ලෙස ඒවා අවලංගු කරන්නේ නම්, තවදුරටත් කවුන්සිලයේ සේවය කිරීමෙන් පලක් නැත, ”යනුවෙන් ඔහු සිය ලිපියේ දක්වා ඇත.
මීට පෙර කුලපති ධූරය සදහා මුරුත්තෙට්ටුවේ ආනන්ද හිමියන් පත්කිරීමත් සමග ඊටද විශ්වවිද්යාලය ඇතුළෙන් විරෝධයක් එල්ල විය.
