එක්සත් ජාතික පක්ෂ නායකත්වය බාරගැනීම සම්බන්ධයෙන් අද (26) හෝ හෙට (27) තවත් විශේෂ ප්රකාශයක් සිදු කිරීමට හිටපු කතානායක කරු ජයසූරිය මහතා සූදානමින් සිටින බව වාර්තා වේ.
ඊයේ (25) පැවැති එජාප කෘත්යාධිකාරී මණ්ඩල රැස්වීමේදී කරු ජයසූරිය මහතාගේ නම පක්ෂ නායකත්වය සදහා යෝජනා වූ අවස්ථාවේදී රනිල් වික්රමසිංහ මහතා සදහන් කර තිබුණේ පක්ෂයේ සාමාජිකත්වය හෝ කෘත්යාධිකාරී මණ්ඩලයේ සාමාජිකත්වය නොදරන පුද්ගලයකුට පක්ෂ නායකත්වය ලබා දීම පක්ෂ ව්යවස්ථාවට පටහැනි බවකි.
කෙසේවෙතත් කරු ජයසූරිය මහතාගේ ස්ථාවරය වී ඇත්තේ තමන් තවමත් එක්සත් ජාතික පක්ෂයේ සාමාජිකයකු බවත්, කිසිදු අවස්ථාවක සාමාජිකත්වයෙන් ඉවත්ව නොමැති බවත්ය.
ඒ අනුව ඒ පිළිබද සිය ස්ථාවරය සදහන් කරමින් ජයසූරිය මහතා විශේෂ නිවේදනයක් නිකුත් කිරීමට සූදානමින් සිටින බව දැනගන්නට ඇත.
