කොළඹ නෙළුම් කුළුණ විවෘත කර දින තුනක් ඇතුළත රුපියල් මිලියන 7.5 ක මුළු ආදායමක් උපයා ඇත.
කොළඹ නෙළුම් කුළුණ සමාගමේ ප්රධාන පරිපාලන නිලධාරී විශ්රාමික මේජර් ජෙනරාල් ප්රසාද් සමරසිංහ මහතා සඳහන් කළේ දින තුනක කාලය තුළ 14,000ක පමණ පිරිසක් කුළුණ නැරඹීමට පැමිණ ඇති බවයි.
නෙළුම් කුළුණ නැරඹීමට ජනතාවට ලබාදී තිබූ කාලය ද සෙනසුරාදා (17) සිට දීර්ඝ කර තිබේ.
ඒ අනුව මධ්යහ්න 12.00 සිට රාත්රී 11.00 දක්වා ජනතාවට කුළුණ නැරඹීමට දැන් පැමිණිය හැකිය.
කෙසේ වෙතත්, ප්රවේශපත්ර නිකුත් කරනු ලබන්නේ රාත්රී 10 දක්වා පමණක් බව විශ්රාමික මේජර් ජෙනරාල් ප්රසාද් සමරසිංහ මහතා වැඩිදුරටත් පැවසීය.
