රටේ වර්තමාන තත්ත්වය පිළිබදව විපක්ෂයේ සියලු පක්ෂ නායකයන් සමග සාකච්ජා කොට ප්රකාශයක් අස්සන් කොට ඇති බවත්, මෙම අවස්ථාවේදී පාර්ලිමේන්තු මන්ත්රීවරුන් සිය වැටුප නොලබාම, නීතියේ ආධිපත්යය ආරක්ෂා කරමින් ආණ්ඩුක්රම ව්යවස්ථාවට අනුකූලව මෙම අභියෝගය ජය ගැනීම සඳහා ජනාධිපතිතුමන් හට උපරිම සහයෝගය ලබා දීමට සූදානමින් සිටින බවත් එක්සත් ජාතික පන්ෂ නායක රනිල් වික්රමසිංහ මහතා සදහන් කොට ඇත.
විපක්ෂයේ පක්ෂ නායකයන් විසින් ජනාධිපතිවරයා වෙත ලබා දීම සදහා යෝජනා 10කින් සමන්විත ලිපියකට අස්සන් තැබීමෙන් අනතුරුව වික්රමසිංහ මහතා සිය ෆේස්බුක් පිටුවේ සටහනක් තබමින් මේ බව සදහන් කොට තිබේ.
එහි මෙසේද දැක්වේ.
රටේ වර්තමාන තත්ත්වය පිළිබඳව මම, විපක්ෂයේ අනෙකුත් පක්ෂ නායකයින් සමඟ සාකච්ඡා කොට ප්රකාශයක් අත්සන් කර ඇත්තෙමි. ඒ COVID-19 වසංගතය පාලනය කිරීම සඳහා සෑම දෙනාගේම සහයෝගය සහ ස්ථාවර දේශපාලන වාතාවරණයක් අවශ්ය බැවිනි.
අප රටේ සාමාන්ය පුරවැසියන්ගේත්, සෞඛ්ය අංශ, ත්රිවිධ හමුදාව සහ අත්යවශ්ය සේවාවන්හී නියුතු සේවකයින්ගේත්, සෞඛ්ය ආරක්ෂාව සහතික කිරීම සඳහා මෙන්ම ආර්ථිකය බිඳවැටීම වැළැක්වීම සඳහාද අප එක්සත් වීම අත්යවශ්යයි. මෙම අවස්ථාවේදී පාර්ලිමේන්තු මන්ත්රීවරුන් සිය වැටුප නොලබාම, නීතියේ ආධිපත්යය ආරක්ෂා කරමින් ආණ්ඩුක්රම ව්යවස්ථාවට අනුකූලව මෙම අභියෝගය ජය ගැනීම සඳහා ජනාධිපතිතුමන් හට උපරිම සහයෝගය ලබාදෙනු ඇත
