මොනම තත්ත්වයක් යටතේ හෝ වත්මන් ආණ්ඩුව සමග එක් නොවන ලෙසත්, එහි අමාත්ය ධූර නොගන්නා ලෙසත් සමගි ජන බලවේගයේ ආසන සංවිධායකවරුන් 137 දෙනකු අද දිනයේදී පක්ෂ නායක සජිත් ප්රේමදාස මහතා හට දැනුම් දීමක් කර තිබේ.
අද දිනයේදී විපක්ෂනායකවරයා සමග පැවැති සූම් සාකච්ජාවකදී ආසන සංවිධායකවරුන් මේ බව දැනුම් දී ඇත.
මෙහිදී විපක්ෂනායකවරයා සූම් සාකච්ජාව ආරම්භයේදී තමන් ජනාධිපති සටනට ඉදිරිපත් වීමට සූදානමින් සිටි ආකාරයත්, පක්ෂයෙන් ගත් තීරණයක් අනුව එම තීන්දුව වෙනස් කොට ඩලස් අලහප්පෙරුම මහතාට අපේක්ෂකත්වය ලබා දීමට තීරණය කළ ආකාරයත් පිළිබදව පැහැදිලි කිරීමක් සිදු කොට ඇත.
මෙහිදී මේ ආකාරයටම ආසන සංවිධායකවරුන් සමග සූම් සාකච්ජාවක් පැවැත්වූ බවත්, එහිදී ඔවුන්ද එම මතයම ප්රකාශ කළ බවත් විපක්ෂනායකවරයා පෙන්වා දී තිබේ.
ඒ අනුව ඩලස් අලහප්පෙරුම මහතාට අපේක්ෂකත්වය ලබා දුන් බව කී විපක්ෂනායකවරයා ජන්දය පරාජයට පත්වීමට හේතුව පොහොට්ටුවෙන් අපේක්ෂිත ජන්ද ප්රමාණය නොලැබුණු නිසා බවද කියා ඇත.
එහිදී සජබ මන්ත්රීවරුන් වික්රමසිංහ මහතාට සහාය දී ඇති බවට පළව ඇති වාර්තා ප්රතික්ෂේප කොට ඇති ඒ මහතා, කිසිදු සජබ මන්ත්රීවරයෙක් වික්රමසිංහ මහතාට ජන්දය භාවිත කොට නොමැති බවද ප්රකාශ කොට තිබේ.
කෙසේවෙතත් මෙය පරාජයක් නොවන බව පෙන්වා දී ඇති විපක්ෂනායකවරයා මේ හරහා මන්ත්රීවරුන් 50ක් පමණක් සිටි විපක්ෂය මන්ත්රීවරුන් 80 දක්වා ඉහළ ගිය බවත්, ශක්තිමක් විපක්ෂයක් නිර්මාණය වූ බවත් පෙන්වා දී ඇත.
පසුව විපක්ෂනායකවරයා අද දිනයේ වික්රමසිංහ මහතා දිව්රුම් දීමෙන් පසු පැවැති පක්ෂ නායක රැස්වීමේදී සිදුවූ කරුණුද පැහැදිලි කිරීමක් කොට ඇත.
පාර්ලිමේන්තු කමිටු ක්රමය හරහා ආණ්ඩුවට සහාය ලබා දීම සම්බන්ධයෙන් එහිදී තමන් පළ කළ අදහස්ද විපක්ෂනායකවරයා මෙහිදී ආසන සංවිධායකවරුන්ට පැහැදිලි කර තිබේ.
මීට අමතරව ඉදිරියේදී පළාත් පාලන මැතිවරණය පැවැත්වෙන බැවින් ඊට වහාම සූදානම් වන ලෙසටද විපක්ෂනායකවරයා ආසන සංවිධායකවරුන්ට දැනුම්ද දීමක් කොට ඇත.
