අනුරාධපුර අවන්ති ළමා නිවාසයේ දැරියන් 15 දෙනකුට පමණ අතවර, අපයෝජන සහ කෲර ලෙස හිංසා කිරීමේ සිද්ධීන් සම්බන්ධයෙන් විශේෂ පරීක්ෂණ හතරක් සිදු කරගෙන යන බව උතුරු මැද ආණ්ඩුකාර මහීපාල හේරත් මහතා මව්රට පුවත්පතට පැවසීය.
ඒ සම්බන්ධයෙන් ජනාධිපති උපදෙස් මත ජනාධිපති ලේකම්වරයෙකුද තමාගෙන් විමසීම කළ බවත්, සිද්ධිය ආරංචි වූ දිනයේම රාත්රී 11ට එම ස්ථානයට ගොස් පරීක්ෂණ ආරම්භ කළ බවත් ආණ්ඩුකාරවරයා වැඩිදුරටත් පැවසීය.
එම ළමා නිවාසය තුළ මත්පැන් සාදයක් පවත්වා ඇති පුද්ගලයින් කවුරුන්ද යන්න පිළිබඳව මේ වන විට තොරතුරු හෙළි වී තිබේ.
උතුරු මැද පළාත් සභාවේ පරිවාස දෙපාර්තමේන්තුවේ සහ සෞඛ්ය අංශවලට අයත් උසස් නිලධාරීන් දෙදෙනකු සහ එම ළමා නිවාසයේ පාලිකාවන්ද මේ වන විට මාරු කර යවා ඇති බවද ආණ්ඩුකාවරයා පැවසීය.
