හොරකම් වංචා දූෂණ කළමනාකරණය කොට ඒවායින් බේරීම සඳහා ගෙන එනු ලැබූ ප්රෝඩාකාරී උපක්රමය අන්තර්කාලීන ආණ්ඩු යෝජනාව යයි විපක්ෂ නායක සජිත් ප්රේමදාස මහතා පැවසීය. එයින් මේ රට ගොඩනඟනවා වෙනුවට සිදු වන්නේ තවදුරටත් රට කාබාසිනියා කිරීම යයි පැවසූ විපක්ෂ නායකතුමා එවැනි ප්රෝඩාකාරි ආණ්ඩුවක් සමග සිට ගන්නවට වඩා තනතුරු අත්හැරීම තමන්ට සතුටක් යැයිද පැවසීය.
මේ රටේ ජනතාවගේ ශුද්ධ වූ අරගලය වංචාකාරී අයුරින් පාවා නොදෙන බව පැවසූ විපක්ෂ නායකතුමා, දිවංගත ජනාධිපති රණසිංහ ප්රේමදාස මහතාගේ පිළිරුව ඉදිරිපිට සිට ඒ වෙනුවෙන් සහතික වන බවද පැවසීය.
දිවංගත ජනාධිපති රණසිංහ ප්රේමදාස මැතිතුමාගේ 29 ගුණානුස්මරණ උත්සවය අද (01) අලූත්කඩේ පිහිටි රණසිංහ ප්රේමදාස පිළිරුව අබියස දී පැවැත්විණි.
