PE+ වතුර ටැංකි ගන්න අයත් විකුණන අයත් හැමදාමත් දිනුම්

මෙරට වැඩිම ජනතා විශ්වාසයක් දිනූ PE+ වතුර ටැංකි නිෂ්පාදනය කරන PE Plus (පුද්ගලික) සමාගම සැම විටම තම පාරිභෝගික ජනතාව හා අලෙවි නියෝජිත ජාලය තෘප්තිමත් කරමින් විවිධ ප්‍රවර්ධන වැඩසටහන් ක්‍රියාත්මක කරයි. එහි නවතම අංගය ලෙස ‘PE+ ක්ලික් ඇන්ඩ් වින්’ නමින් ප්‍රවර්ධන වැඩසටහනක් ඉදිරිපත් කර ඇත. එය ඉමහත් පාරිභෝගික ප්‍රසාදයක් හා වැඩි ආකර්ෂණයක් දිනාගනිමින් සාර්ථක ලෙස දිවයින පුරා දැනටමත් ක්‍රියාත්මක වෙයි.

මෙම ප්‍රවර්ධන වැඩසටහනට අනුව පාරිභෝගිකයන් විසින් තමන් මිලදී ගත් PE+ ටැංකිය සමඟ සෙල්ෆි ඡායාරූපයක් ගෙන ඊට වගකීම් කාඩ්පතේ ඡායාරූපයක්ද ඇතුළත් කර ටැංකිය මිලදී ගත් අලෙවි නියෝජිතයාගේ විස්තර ආදිය සමඟ PE+ ෆේස්බුක් පිටුවේ Direct Message (DM) කළ යුතුවිය.

මෙම ක්‍රමවේදයට අනුව යමින් ප්‍රවර්ධන වැඩසටහන ආරම්භයේ සිටම දිවයින පුරා විසිරී සිටින අපගේ පාරිභෝගික ජනතාව විසින් ඡායාරූප විශාල ප්‍රමාණයක් එවා තිබිණි. මෙම ‘PE+ ක්ලික් ඇන්ඩ් වින්’ ප්‍රවර්ධන වැඩසටහනේ සුවිශේෂීත්වය වන්නේ පාරිභෝගිකයා පමණක් නොව අලෙවි නියෝජිතයාද ජයග්‍රහණය කිරීමයි. ඒ අනුව ස්මාර්ට් ටීවී, ශීතකරණ, රෙදි සෝදන යන්ත්‍ර ආදී තෑගි දිනාගැනීමට පාරිභෝගික ජනතාවට මෙන්ම PE+ ටැංකි අලෙවි කළ නියෝජිතයන්ට අවස්ථාව හිමිවී ඇත. විශාල පාරිභෝගික ප්‍රතිචාර මැද ආරම්භ වූ ‘PE+ ක්ලික් ඇන්ඩ් වින්’ ප්‍රවර්ධන වැඩසටහනේ පළමු දිනුම් ඇදීම පසුගියදා පැවැත්වුණු අතර, එහිදී PE+ ටැංකි සමඟ සෙල්ෆි ඡායාරූප එවා ජයග්‍රහණය කළ පාරිභෝගිකයන් මෙන්ම PE+ ටැංකි අලෙවි කළ අලෙවි නියෝජිතයන්ටද ත්‍යාග පිරිනැමීම සිදුවිය.