දේශීයව අගය එකතු කරමින් මෙරටදීම නිපදවන තුන්වන මෝටර් සයිකල් මාදිළිය ලෙස බජාජ් පල්සර් N160 මෝටර් සයිකලය ශ්රී ලංකාවේ වෙළෙද පොළට හදුන්වාදුන් බව ඩේවිඩ් පීරිස් මෝටර් කම්පැනි (ලංකා) ලිමිටඩ් පසුගියදා නිවේදනය කළේය. 2020 වසරේදී පනවන ලද ආනයන සීමා තවමත් ඉවත් කර නොමැති තත්ත්වයක් තුළ දේශීයව නිපදවූ උපාංග යොදා ගනිමින් ශ්රී ලංකාවේදීම නිෂ්පාදනය කළ පළමු sports කාණ්ඩයේ මෝටර් සයිකලය ලෙස පල්සර් N160 වැදගත් සංධිස්ථානයක් සනිටුහන් කරයි. දේශීයව අගය එකතු කළ වැඩහටහන යටතේ මෙරටදීම වාහන නිපදවීමට සම්මත මෙහෙයුම් පටිපාටියක් හදුන්වාදීම සම්බන්ධයෙන් ඩේවිඩ් පීරිස් මෝටර් කම්පැනි කර්මාන්ත අමාත්යංශයට තම කෘතඥතාවද පුද කර සිටියේය. (Sri Lanka Latest News)
දේශීයව අගය එකතු කළ වැඩසටහන යටතේ මෝටර් සයිකල් නිෂ්පාදනය කිරීමේ ප්රමුඛයා බවට පත්වෙමින් ඩේවිඩ් පීරිස් මෝටර් කම්පැනි මීට පෙර බජාජ් CT100 සහ ඩිස්කවර් 125 මෝටර් සයිකල් එම වැඩසටහන යටතේ මෙරටට හදුන්වාදී ඇත. මේ යටතේ මෙරටදීම මෝටර් සයිකල් නිෂ්පාදනය කිරීම හරහා ඩේවිඩ් පීරිස් මෝටර් කම්පැනි තත්ත්වයෙන් උසස් බ්රෑන්ඩ් නිව් මෝටර් සයිකල් මෙරට පාරිභෝගිකයින් වෙත හදුන්වාදීම පමණක් නොව දේශීය කර්මාන්තයේ උන්නතිය වෙනුවෙන්ද තම දායකත්වය සපයා ඇත.
රෝද දෙකේම තිරිංග ක්රියාකාරිත්වය පාලනය කරමින් ක්රියාත්මක වන ද්විත්ව චැනල ABS බ්රේක් පද්ධතිය, BI ක්රියාකාරී අති නවීනතම LED හෙඩ්ලයිට් මෙන්ම නවීනතම හැඩය මෙරට sports කාණ්ඩයේ මෝටර් සයිකල් ප්රිය කරන්නන්ගේ ආකර්ෂණය දිනා ගැනීමට සමත් වනු ඇත.
බත්තරමුල්ලේ පිහිටි ඩේවිඩ් පීරිස් මෝටර් කම්පැනි ප්රධාන කාර්යාලයේ පැවති ප්රධාන උත්සවයට සමගාමීව දිවයින පුරා පිහිටි ඩේවිඩ් පීරිස් මෝටර් කම්පැනි ප්රාදේශීය කාර්යාල 07ක් තුළ පල්සර් N160 මෝටර් සයිකලය මෙරටට හදුන්වාදීම සිදු කෙරුණි. ඒ අනුව පල්සර් N160 මෝටර් සයිකලය මෙරටට හදුන්වාදීමත් සමගම දිවයිනේ සෑම ප්රදේශයකම ජනතාවට පහසුවෙන් නව මෝටර් සයිකලයේ අත්දැකීම ලබා ගැනීමේ මෙන්ම මිලදී ගැනීමේ අවස්ථාව ඩේවිඩ් පීරිස් මෝටර් කම්පැනි විසින් තහවුරු කර ඇත.
මේ වන විට පල්සර් N160 මෝටර් සයිකලය සදහා දේශීයව නිපදවන උපාංග 26ක් සදහා දේශීය නිෂ්පාදකයින් 07 දෙනෙකු දායක වන අතර CT100 සහ ඩිස්කවර් 125 මෝටර් සයිකල් සදහා පිළිවෙළින් උපාංග 34ක් සහ 26ක් මෙරටදීම එම නිෂ්පාදකයින් විසින් නිපදවනු ලබයි. ඉන්දියාවේ බජාජ් ඔටෝ ලිමිටඩ්හි අනුමත ප්රමිතියට අනුව දේශීයව උපාංග නිෂ්පාදනය කෙරෙන අතර ඒ හරහා මෙරට කුඩා හා මධ්ය පරිමාණ කර්මාන්තකරුවන්ට ජාත්යන්තර තාක්ෂණික දැනුම තිළිණ කිරීමද සිදුවේ.
මේ සම්බන්ධයෙන් අදහස් දක්වමින් ඩේවිඩ් පීරිස් මෝටර් කම්පැනි සාමාන්යාධිකාරී (වාහන විකුණුම්) ලක්මාල් ද සිල්වා මහතා මෙසේ පැවසුවේය. “දේශීයව අගය එකතු කළ වැඩසටහන යටතේ මේ වන විට මෙරටදීම අපි මෝටර් සයිකල් 40,000කට අධික සංඛ්යාවක් නිෂ්පාදනය කර තිබෙනවා. පල්සර් N160 එය නොකඩවා ඉදිරියට ගෙන යාමට සමත් වන අතර ශ්රී ලංකාවේ මෝටර් සයිකල් හිතකාමීන් විසින් එය සාඩම්බරයෙන් වැළද ගනු ඇතැයි අපි විශ්වාස කරනවා.”
දේශීය ආර්ථිකය ඉහළ නැංවීමට දායකත්වය සපයමින් දේශීය කර්මාන්තකරුවන්ට අත්වැලක් වෙමින් නව්යකරණය මුසුවූ උසස් ප්රමිතියෙන් යුතු මෝටර් සයිකල් මෙරට පාරිභෝගිකයින්ට තිළිණ කිරීමේ ඩේවිඩ් පීරිස් මෝටර් කම්පැනි විසින් දක්වන කැපවීම සහ මැදිහත්වීම මෙමගින් මනාව පිළිබිඹු කරයි.
දිවයින පුරා විහිදුණු 1,500කට අධික වූ සේල්ස්, අමතර කොටස් හා උපාංග සහ සේවා ඩීලර්වරුන් හරහා කිසිවෙකුට සමකළ නොහැකි අලෙවියෙන් පසු සේවාවක් ලබාදීමට ඩේවිඩ් පීරිස් මෝටර් කම්පැනි කටයුතු කරයි. දශකයක ආසන්න කාලයක් මුලුල්ලේ පල්සර් සමාජය තුළ කටයුතු කරන සාමාජිකයින් පිළිබදව සැලකූ විට පල්සර් මෝටර් සයිකල්වලට මෙරට ජනතාවගේ ඇති ආකර්ෂණය සහ කැමැත්ත මනාව පිළිබිඹු වනු ඇත.
0114700600 ඇමතීමෙන් හෝ www.dpmco.com වෙත පිවිසීමෙන් පල්සර් N160 පිළිබදව වැඩි විස්තර ලබාගත හැකිය.
මාධ්ය විමසීම්: දසුන් එදිරිසිංහ (0777587839)
