ශ්‍රව්‍ය දෘශ්‍ය බාහිර රෝගී වෛද්‍ය සේවා ලබාගැනීම සඳහා නොමිලේ ඇමතිය හැකි හොට් ලයින් අංකයක්

ශ්‍රී ලංකාවේ පුද්ගලික රෝහල් ක්ෂේත්‍රයේ ප්‍රමුඛතම නාමය වන නවලෝක රෝහල් සමූහය, කෝවිඩ් 19 වසංගතය හමුවේ වුවද තම රෝගීන්ගේ ආරක්ෂාව කෙරෙහි දැඩි අවධානයක් යොමු කරමින් විඩියෝ මාධ්‍ය (Audio and video consultations) මගින් දැනට සිදුකරන බාහිර රෝගී වෛද්‍ය උපදේශන සේවා වඩාත් කාර්යක්ෂම සහ රෝගීන්ගේ පහසුව වෙනුවෙන් නොමිලේ ඇමතිය හැකි නව හොට් ලයින් අංකයක් හඳුන්වාදෙන ලදී. නවලෝක රෝහල් සමූහය විසින් හඳුන්වදෙන 0115777777 යන අංකයට ඇමතීමෙන් ලංකාවේ කොතැනක සිටින රෝගියකුට වුවද රෝහලට පැමිණීමෙන් තොරව වීඩියෝ තාක්ෂණය භාවිත කරමින් බාහිර රෝගී ප්‍රතිකාර සේවා ලබාගැනීමේ පහසුකම ලබාගත හැක. නවලෝක රෝහල හඳුන්වාදී ඇති මෙම හොට් ලයින් අංකයට ඇමතීමෙන් අනතුරුව චැනලින් සේවා ඒකකය විසින් විශේෂඥ වෛද්‍ය සේවාව සඳහා දිනයක් සහ වේලාවක් ලබාදෙන අතර නියමිත ගාස්තුව ගෙවීමෙන් අනතුරුව එම විශේෂඥ වෛද්‍ය උපදේශනය සැසිය තහවුරු කරගත හැක.