අට අනූවකටත් වඩා රෝග මිනිසාට ඇතත් එම රෝගවලින් බහුතරයක් බරපතළ තත්ත්වයට පත්වන්නට හේතුපාදක වී අත්තේ ඔවුනොවුන් ජීවත්වන නිවාසවල ඇති වාස්තු ප්රශ්නය. ඇතැම් රෝගවලට කෙතරම් ප්රතිකාර කළත් සුව නොවන අවස්ථා දක්නට ලැබෙන අතර එවැනි රෝගවලට හේතුව සොයාගන්නට මිනිස් සිරුර කෙතරම් ස්කෑන් කළද හැකි නොවන බව පැහැදිලි වේ. මේ තත්ත්වය ඇතිවී ඇත්තේ මිනිසාගේ බොහොමයක් රෝග ඔවුන්ගේ ගෘහය ආශ්රිත වාස්තු ප්රශ්න හා බැඳී පවතින නිසාය. එහෙයින් යම් රෝගයක ලක්ෂණයක් ඇතිවූ විගස නිවෙසේ වාස්තු ප්රශ්න කෙතරම් දුරට තිබේද යන්න සොයා බැලිය යුතුය.
ඉන් පසු එම වාස්තු ප්රශ්න හැකි අයුරින් විසඳීමෙන් පවුලේ සමගිය සමාදානය සුරැකෙනු ඇත. මේ සඳහා උදාහරණ අනන්තවත් අප සතුව ඇත.
අගනුවරට ආසන්න එක්තරා දෙමහල් නිවෙසක දිග අඩි 57.3කුත් පළල අඩි 56කුත් වපසරියක් යෙදී තිබුණේ සමචතුරස්ර හැඩයකිනි.
මෙම නිවෙසෙ පෙට්ටි හැඩැතිව මධ්ය ලක්ෂ්යය නිරන්තරයෙන්ම පෑගෙනසේ සාලයේ හරි මැදට යෙදී තිබිණි. පියගැටපෙළ හා පාදුස්සුම අඟල් 9ක්ද, පාතැබුම අඟල් 5කටද සීමාවී ඇති අතර, එය නිවෙස මධ්යම කොටසින් උඩුමහලට තබා ඇත්තේය. ඊසාන, නැගෙනහිර අපද්රව්ය එක්රැස් වන වළවල් ඇත.
ප්රධාන දොරටුව තබා ඇත්තේ භද්රා කොටස වන අශුභම පාදයේය. පියගැටපෙළ පටන්ගැන්මද මංගල දොරටුවට ඍජුවම තිබිණි. නවීන සියලු පහසුකම්වලින් අඩුවක් නැත. නිවාස හිමියන් සතු වාහන දෙකක්ද තිබේ. තවද නිවාස හිමියා විදේශ රටක වැඩි වැටුපක් ලබන රැකියාවක්ද කරන අතර මෙරටට වසරකට දෙවරක් පැමිණේ. බාහිර පෙනුමත් ඉතා ආකර්ෂණීයය. නිවෙස සහ පර්චස් 20ක ඉඩම් වපසරිය ඉතාමත් පවිත්රව ඇත.
මෙම නිවෙස පරීක්ෂා කිරීමේදී මූලිකම දෝෂය සමසතරැස් වීමත් බ්රහ්ම පාදය අවහිර වීම පඩිපෙළ හා මංගල දොරටුව අශුභ තත්ත්වයේ ඇති බව මෙන්ම ඉහළ මහලේද වාස්තුමය දෝෂ පිහිටා ඇති බව පැහැදිලි විය.
මෙකී නිවාස සෑදීමේදී අක්රමවත් සැලසුමක් පෙදරේරුවන් කිහිප දෙනකු මාරුවීමත් අමනාප වීමත් නිසා සෑහෙන කාලයක් වැඩ නතරවී තිබී පසුව නැකැතකට වැඩ අරඹා වරින් වර නිවෙස ඇතුළ වෙනස්කම් කරමින් සිටියදී නිවාස හිමියන් අතර නිතර නිතර අඬදබර සිත් අමනාපකම් ඇතිවී ඇත. දරුවන්ගේ ඉගෙනීම් කඩාවැටීම, ණයතුරුස්වීම්ද සිදුවී ඇති අතර වංචනිකයකුගේ මුදල් වංචාවකටද ගොදුරුවී ඇත. නිවෙස තුළ ජීවත් වීමට අපහසු වූ නිසා ගේ අතහැර කුලියට වෙනත් නිවෙසකට මාරුවිය. වෙනත් නිවාස කිහිපයකටම මාරුවීම් මේ කාලය ඇතුළත සිදුවිය.
ජීවිතයේ විවිධ කරදර බාධකවලට මුහුණ දෙමින් නිවාස හිමියාත් බිරිය සහ දරුවන් තිදෙනාම විවිධ මානසික පීඩනයන්ට මුහුණ දෙමින් සිටින බව පැහැදිලි විය. නිවාස වාස්තුව පරීක්ෂා කරන විටදී විශාල ලෙස වාස්තු දෝෂවලින් පිරී පැවැති බැව්ද අනාවරණ විය.
විශේෂයෙන්ම දැනගන්නට ලැබුණේ නිවෙසට අනවින දෝෂ කර ඇති බවය. ඔවුන්ට තදබල ලෙසම රහසිගත විරුද්ධවාදීන් සිටින බවද හෙළිවිය. සිය ආත්ම ශක්තිය හීනවන විට මෙවැනි ක්රමවේදයන් ගැන තදබල ලෙස විශ්වාස කරන බව පෙනේ.
අප විසින් විධිමත් වාස්තු විද්යා පරික්ෂාවකින් පසු එම නිවෙසේ වාස්තු දෝෂ ඉවත් කරගැනීමට හැකි විය. පොතේ හැටියට නොව අත්දැකීම් හරහා උපක්රමශීලීව කළ යුතු කාර්යයකි. නිවෙසක වාස්තු දෝෂ ඉවත් කිරීම අවම ලෙස කැඩීම් බිඳීම්වලින් තොර වීමද වැදගත් වේ.
වාස්තුමය රෝගී නිවෙසක් ඇතුළත අතිශයින්ම කායික හා මානසික පීඩාවකට ගොදුරු වෙමින් ජීවත් වීම විශාල අවාසනාවකි. එබැවින් එවැනි වාස්තු දෝෂවලින් ඔබත් නිවෙස තුළ වද විඳින්නේ නම් වහාම වාස්තු දෝෂ පරීක්ෂා කර ඉවත් කරගන්න.
මෙවැනි මහා වාස්තු දෝෂ ඇති දහස් ගණනක් නිවාස පරීක්ෂා කිරීමෙන් අප ලද අත්දැකීම් හරහා මෙසේ සටහන් කර සිටිමු.
ප්රවීණ ජ්යොතිෂවේදී දේශබන්දු ටී.හෙන්රි බෙම්මුල්ල