පෙර භවයන්හිදී ජන්මීන් විසින් වෙනත් ජන්මීන්ට පීඩාකිරීම් හේතුවෙන් ඇතිවන පාපකර්මවල විපාකවලින් කොටසක් වශයෙන් සෙනසුරු අපලය හැඳින්වීම වරදක් නොවේ. ඒරාෂ්ටක බලපාන කාලසීමා තුළදී උත්සාහයේ ප්රමාණයට නැතිනම් උගත්කම්වල ප්රමාණයට දියුණුවක් නොලැබෙන දිළිදු වන බවක් පෙන්නුම් කරයි.
පින් දහම් නොකිරීම, පරිත්යාග නොකිරීම නිසාද අන් අය සතු දේ සොරකම් කිරීම නිසාද සොරකම, වංචාව නිසාද සෙනසුරු අපලයට මඟ පෑදෙයි.
සෙනසුරුගේ අපලය සඵල කරගැනීමට ලෙහෙසියෙන් කළ හැකි වන්නේ කපුටන්නට දානය පිළියෙල කර දීමයි. එළඟි තෙල් මිශ්ර කිරිබත් හෝ එළඟි තෙල් මිශ්ර පහන් තිර දීම අගනා සත්ක්රියාවකි. සතුන්, කුරුල්ලන් නිදහස් කිරීම, සතුන්ට ස්නානය සඳහා වතුර තැබීම විශේෂයෙන් සෙනසුරු අපලයට මහඟු කටයුත්තකි.
බඩගින්න, දුක්ගින්න සංසිඳෙන දේ සතුන්ට දීම මෙම අපල දුරුකිරීමට මහත් පිටිවහලකි. ත්රිවිධරත්නයට, ශරීරික පාරිභෝගික උද්දේසික යන ත්රිවිධ චෛත්යයට ජයශ්රී මහා බෝධියට පුද පූජා පැවැත්වීම වඩාත් ගුණදායකය. දසසිල් ආරක්ෂාව, භාවනානුයෝගීව සිටීම මෙම අපලය දුරුකරගැනීමට අත්වැල් සපයයි.
අපල බලගතු වන අවස්ථා එමට ඇත. එම අවස්ථාවල සෙනසුරාදා දින හතක්, දින දහනවයක් සමහරු පුද පූජා පවත්වති. එහෙත් පෙර ආත්ම භවයන්හි එන අපල මිශ්රවී තද අපල ඇතිවෙයි. එවිට බෝධි පූජා කිරීමෙන් සෙනසුරුගේ සම්පූර්ණ අපලය වළක්වාගත නොහැකි අවස්ථා එමට ඇත.
මෙම අපලය සඳහා පින්කම් කරන විට දින හතේ සීමාවක් නොසිතිය යුතුය. ඒරාෂ්ටක අපල ගෙවීයන තෙක්ම පින් දහම් කටයතුවල නිරත වීම අගනේය. බෝධි පූජා පැවැත්වීමේදී නිල් මල් මෙන්ම නිල් පාට මල් මාලාද, නිල් කොඩි, එළඟිතෙල්, තලතෙල්, අබතෙල් පහන් පූජා කිරීම, බුද්ධ පූජාව, ගිලන්පස යනාදිය දින හතක් හෝ දින දහනවයක් ශ්රද්ධාවෙන් කර විෂ්ණු දෙවියන් ප්රමුඛ සියලු දෙවියන්ට පින් අනුමෝදන් කරවීමද, රතන සූත්රය, අභිසම්භිධාන යන්ත්රය 2300 වාරයක් පිරිත් කර පැලඳගැනීම, නවගුණ යන්ත්රය පැලඳීම, සෙනසුරු අපලයට සැනසුම් ලබාගත හැකි ක්රියාදාමයන්ය. නුග ගස්වල අතු කැපීම සෙනසුරු අපල කාලවලදී නොකළ යුතුය. උදේ හය හත අතර කාලයේදී කපුටන්ට දන්දීම අත්යාවශ්යම දෙයකි. සෙනසුරාදා දිනක සෙනසුරු හෝරාව පවතින කාලයේ කපුටන්නට දන්දීම වැදගත්ය. දෛනිකව දානය දීමද අගනේය. සෙනසුරු අපලය සඳහා දන් දෙන විට උඳු, මුං, තල, මෑ යන ධාන්ය වර්ග මිශ්රකර දීම වැනි දේ යහපතට හේතු සාධක වෙයි. කපුටන් වැනි සතුටන්ට දන්දීම පමණක් නොව අසත්පුරුෂ මිනිසුන්ට වුවද දන්දීම බුදුදහම අනුව බලනවිට අකුසල් දුරු කරගැනීමට මහත් රුකුලක් වේ. ඔබත් සෙනසුරු අපලයෙන් මිදීමට ඉහත කී දේ කරන අතර කාක නිල් මුදුවක් අත පැලඳගැනීමද වරදක් නොවේ.
ප්රවීණ ජ්යොතිෂවේදී, මහාචාර්ය සෝමපාල පතිරණ
