ලෙඩ අඩු වැඩි කරවන පංචමහා බලවේග

පංච මහා භූත නිශ්චලව ශරීරයේ තැන්පත්ව නොපවතී. මේවා නිරන්තරයෙන් කැලඹීම්වලට ලක්වෙයි. මේ කැලඹීම් නිසා ශරීරයේ පවතින නිරෝගී බවටද බාධා පැමිණේ. මේ නිසා අනේක වූ විවිධාකාර රෝග ශරීර කූඩුව මතට පතනය වේ. මෙහිදි සලකා බැලිය යුතු කරුණකි. එනම්, විවිධ භූත ශක්තීන් නියෝජනය කරන විවිධ ශරීර කොටස්ද පවතී.
පඨවි
ශරීරයේ මාංස පේශී, සන්ධි හා හිසකෙස් ප්‍රධාන වශයෙන් පඨවි භූත ශක්තිය නියෝජනය කෙරේ. පඨවි ධාතුවට අයත් ග්‍රහයා පීඩිතවීමෙන් සෙම් කෝපවීමද, ඇතැම් අවයව ඉදිමීමටද ලක්වේ.
ආපෝ
ශරීරයේ රුධිරය, මුත්‍රා, දහදිය, කෙළ, ශුක්‍ර ධාතුව නියෝජනය කෙරේ. ආපෝ ධාතුවට අදාළ ග්‍රහ පීඩාවෙන් වමනය, උදරයේ අමාරු, අතීසාරය වැනි රෝගවලට පාත්‍ර වේ.
තේජෝ
කුසගින්න, පිපාසය, නින්ද මෙම භූත ගුණය නියෝජනය කෙරෙයි. තේජෝ ග්‍රහයා පීඩාවෙන් චිත්ත වික්ෂෝපය, ක්ලාන්තය, උණ රෝග ආදියට භාජනය වේ.
වායෝ
අත් පාවල ක්‍රියාකාරිත්වය මෙම භූත ගුණයට අදාළ වේ. වායෝ ධාතුව පීඩාවීමෙන් හන්දි ඉදිමීම, වාත ආබාධ, ගැස්ම, කෙට්ටුවීම ආදී තත්ත්වයන් ඇති කෙරේ.
ආකාශ
කෝපය, භය, රාගය, මහලු බව, සිරුර දුබල වීම යන අංග ආකාශ ධාතුව නියෝජනය කරයි. ආකාශ ධාතුවට අයත් ග්‍රහයන් පීඩා වීමෙන් මලානික බව, අලසබව හා උනන්දුව අඩුවීම ඇතිකරයි.
ජ්‍යොතිෂවේදී විරාජිත් බණ්ඩාර