මෙවර නිදහස් සැමරුම් උළෙලේ වියදම රුපියල් කෝටි 20ක් බව ස්වදේශ කටයුතු රාජ්ය අමාත්ය අශෝක් ප්රියන්ත මහතා පැවසීය.
ඒ සඳහා රුපියල් කෝටි 57කට වැඩි ඇස්තමේන්තුවක් ලැබුණු බවත්, ජනාධිපති ලේකම් කාර්යාලය හා ස්වදේශ කටයුතු අමාත්යාංශය එක්ව විටින් විට සාකච්ඡා කර එය කෝටි 20ක් දක්වා අඩුකරගෙන ඇති අතර තවත් අඩුකරන්නට උත්සාහ කරන බවත් රාජ්ය අමාත්යවරයා සඳහන් කළේය.
ඔහු මේ බව පැවසුවේ රජයේ ප්රවෘත්ති දෙපාර්තමේන්තුවේ දී අද (12) පැවති මාධ්ය හමුවක් අමතමිනි.
එමෙන්ම නිදහස් දින පෙලපාලිය කොල්ලුපිටිය හන්දිය අසලින් ආරම්භ වන අතර, කොල්ලුපිටිය මංසන්ධියේ සිට ගාලු මුවදොර දක්වා මග දෙපස රැඳී සිටිමින් එය නැරඹීමේ අවස්ථාව ජනතාවට ලැබෙන බවත්, නිදහස් උළෙලේදී මෙවර ද සිංහල හා දෙමළ බසින් ජාතික ගීය ගායනා කෙරෙන බවත් ඔහු පැවසීය.
