පසුගිය 2020 සහ 2021 වසර දෙක තුළ පමණක් ශ්රී ලංකා ටෙලිකොම් ආයතනය පිළිවෙලින් රුපියල් මිලියන 1,832 ක් සහ රුපියල් මිලියන 657ක් වශයෙන් රජයට බදු ගෙවීම් සිදු කර ඇති අතර එම වසරවල බදු ගෙවීමෙන් පසු පිළිවලින් රුපියල් මිලියන 7,881 ක් සහ රුපියල් මිලියන 12,161ක ලාභයක් ඉපැයීමට ශ්රී ලංකා ටෙලිකොම් ආයතනය සමත් වී ඇත.
මීට අමතරව, ශ්රී ලංකා ටෙලිකොම් ආයතනය සතුව පවතින බුද්ධිමය තොරතුරු සහ ජාතික වැදගත්කමකින් යුතු තොරතුරු ගබඩාව රාජ්ය අංශයේ වගකීමට යටත්ව පැවතිය යුතු ක්ෂේත්රයකි.
එසේ වුවද, ආණ්ඩුව මෙවර ඉදිරිපත් කරන ලද 2023 අයවැය මගින් ශ්රී ලංකා ටෙලිකොම් ආයතනය ද ප්රතිව්යුහගත කිරීමට යෝජනා කර තිබුණි. මෙවන් ලාභදායී ආයතන ප්රතිව්යුහගත කිරීමට ආණ්ඩුව කටයුතු කිරීම ගැටළු සහගතයි.
එපමණක් නොව, ශ්රී ලංකා ටෙලිකෙම් ආයතනය ප්රතිව්යුහගත කිරීමට සැරසීම මෙරට ජාතික ආර්ථිකයට මෙන්ම ජාතික ආරක්ෂාවට ද ප්රබල තර්ජනයක් ගෙන දෙනු ඇත.
මේ තත්ත්වය පිළිබඳව අද විපක්ෂ නායක සජිත් ප්රේමදාස මහතා පාර්ලිමේන්තුවේදී 27/2 යටතේ ප්රශ්නයක් අසනු ලැබීය.
