5 වැනි වරටත් සංවිධාන කරනු ලබන Race The Pearl ජාත්යන්තර පාපැදි සවාරිය මෙවරත් ඉතා උත්කරෂවත් අන්දමින් ලබන නොවැම්බර් 5 වැනිදා ශ්රී ලංකාවේ පැවැත්වෙයි.
පාපැදි තරග ක්රීඩාවේ ඉතා සුවිශේෂී අංගයක් වන මෙම පාපැදි තරගය මෙවර යාපනය පේදුරු තුඩුවෙන් ආරම්භ වීමට නියමිත අතර එය අවසන් වන්නේ මාතර දෙවුන්දර තුඩුවෙනි.
සම්පූර්ණ දිනයක් නොහොත් නොකඩවා පැය 24ක් පැවැත්වෙන අතර එම කාලය තුළ කිලෝමීටර් 600ක් සම්පූර්ණ කළ යුතුය.
උතුර දකුණ යා කරන සාමයේ සංකේතයක් ලෙස සැලකෙන මෙම ජාත්යන්තර පාපැදි සවාරිය සදහා දෙස් විදෙස් තරගකරුවෝ 50කට අධික සංඛ්යාවක් සහභාගී වෙති.
එහෙත් මෙම තරගයේදී එය අවසන් කරනු ලබන්නේ ප්රවීණතම තරගකරුවන් 10 දෙනකු පමණ වේ.
එම ප්රවීණයන් අතර අමෙරිකානු ධාවකයකු, එංගලන්ත ධාවකයන් තිදෙනකු, ප්රංශ ධාවකයකු සහ ශ්රී ලාංකික ධාවකයන් පස් දෙනකු පමණ සිටිති.
සංවිධායකයන් පවසන්නේ මෙම තරගාවලිය මෙරට සංචාරක කර්මාන්තයේ ප්රගමනයටද හේතු වනු ඇති බවකි.
මෙම තරගාවලිය නිරීක්ෂණය කිරීම සදහා දැනටමත් විදෙස් රටවල්වල නියෝජිතයන් රැසක් පැමිණ සිටින බවද වාර්තා වේ.
අමෙරිකාවේ පැවැත්වෙන ‘රේස් අක්රොස් අමෙරිකා’ තරගාවලියට සුදුසුකම් ලබා ගැනීමද මෙම තරගාවලියෙන් සිදුකරනු ලබයි.
