සංචාරයට පෙම් බැඳි තරුණ තරුණියන් විසින් ෆෙස්බුක් අඩවිය හරහා පිහිටුවා ගන්නා ලද Travelling Hunters සමූහය විසින් ක්රියාත්මක කරන ලද තවත් ප්රජා සත්කාරක ව්යාපෘතියක් පසුගියදා (2019.11.29) අනුරාධපුර ගල්කඩවල විද්යාලයේ දී ක්රියාවට නැංවිණි. එහි දී සත්කාරයට පාදක වූ ගල්කඩවල පාසල ගත් කල එය අනුරාධපුර නගර සීමාවේ සිට කිලෝ මීටර් දහ හතරක පමණ කෙටි දුරකින් පිහිටි පාසලකි. නමුත් කනගාටුවට කරුණ නම් සියවසකට ආසන්න ඉතිහාසයකට හිමිකම් කියන එම පාසල නැවත නඟා සිටුවීම සම්බන්ධ කිසිදු ආකාරයේ රජයේ අවධානයකට පාත්ර නොවීමය. ගල්කඩවල මහා විද්යාලය ලෙස හැඳින් වුවද දරුවන්ට මුහුණ දීමට වන අතිමහත් දුෂ්කරතා හමුවේ එය අද වන විට නාම පුවරුවට පමණක් සීමා වී තිබේ. මන්ද ඉතා සීමිත දරුවන් සංඛ්යාවක් සහිතව පාසල තුළ අද වන විට පංති පැවැත්වෙන්නේ 1 ශ්රේණියේ සිට 9 ශ්රේණිය දක්වා පමණක් වන නිසාවෙනි. කෙසේ නමුත් ආර්ථික දුෂ්කරතා හමුවේ රටේ අනාගත පරපුරෙන් කොටසක් වුවද එසේ පරව යන්නට ඉඩ නොතැබිය යුතු නිසාවෙන්ම Travelling Hunters සමූහයේ සාමාජිකයන්ගේ නොමඳ කැපවීමෙන් සහ ව්යාපෘතිය සමග අත්වැල් බැඳ ගත් දානපතීන්ගේ නොමසුරු දායකත්වයෙන් ගල්කඩවල මහා විදුහලෙහි සාර්ථකව මනුසත්කමේ චාරිකාව ක්රියාවට නැංවිණි.
ඊට සමගාමීව විද්යාලයේ අධ්යාපනය ලබන සෑම දරුවකුටම අවැසි පූර්ණ පොත් කට්ටලයකුත් අනෙකුත් අවශ්ය සියලු පාසල් උපකරණත් ලබා දුන් අතරම ජල පෙරන යන්ත්ර, ක්රීඩා උපකරණ, පුස්තකාල පොත් ඇතුළුව පාසලට අත්යාවශ්ය ද්රව්ය රාශියක් ද විද්යාලයේ විදුහල්පතිතුමා වෙත ප්රදානය කරන ලදී. එසේම එම මානුෂීය සත්කාරයට සමගාමීව දරුවන්ට ආදර්ශයක් වෙමින් පැළ සිටුවීමේ වැඩසටහනක් ද ක්රියාවට නැංවිණ. තවද මෙතෙක් කල් විදුහලට විශාල අඩුපාඩුවක්ව පැවති බුදු මැඳුර නිර්මාණය කිරීමේ කර්තව්යයට ද සමාරම්භයක් සනිටුහන් කළ අතරම එය ලබන ජනවාරියේ දරුවන්ගේ අයිතියට පත් කිරීමට නියමිතය. මෙහි දී බොහෝ අවස්ථාවල සමාජ පරිහානියට දායක වන සමාජ ජාලා සමූහයන් අතර Travelling Hunters විසින් මෙවන් සමාජ යහපත අරමුණු කර ගත් සත්කාරක වැඩසටහන් ක්රියාත්මක කිරීම පිළිබඳව විදුහලේ විදුහල්පති ඇතුළු ආචාර්ය මණ්ඩලයේද නොමඳ පැසසුමට ලක් විය.
