ඉදිරි මැතිවරණ සදහා පොහොට්ටුව සමග එක්ව කටයුතු කිරීමට සූදානම් වන ලෙස ජනාධිපති රනිල් වික්රමසිංහ මහතා එක්සත් ජාතික පක්ෂ මහනුවර නියෝජිතයන්ට දැනුම් දීමක් කොට ඇත.
ජනාධිපතිවරයා ඊයේ දින නුවර සංචාරයක නිරත වූ අතර එහිදී ජනාධිපති මන්දිරයේදී එක්සත් ජාතික පාක්ෂිකයන් සමග පැවැති සාකච්ජාවකදී මේ බව සදහන් කොට තිබේ.
මෙම හමුව සදහා එක්සත් ජාතික පක්ෂයෙන් පසුගිය පළාත් පාලන මැතිවරණය සදහා ඉදිරිපත් වූ අපේක්ෂකයන් සහ වත්මන් නාගරික මන්ත්රීවරු 600 පමණ ආරාධනා කර තිබු අතර ආරාධිත පිරිසෙන් එම ජන හමුව සදහා පැමිණ සිටියේ 20ක් පමණ වූ සුළු පිරිසකි .
හමුව පැවැත්වූ ශාලාව හිස් වී තිබු අතර ජනාධිපතිවරයා විසින් සංවිධායකවරුන්ගෙන් ප්රසිද්දියේ මේ පිළිබද කරුණු විමසා තිබේ.
එමෙන්ම ජනාධිපතිවරයා නැවත වරක් මහනුවරට පැමිණෙන බවත් ඒ අවස්ථාව වන විට සමගි ජන බලවේගය නියෝජනය කරන පළාත් පාලන සංවිධායකවරු ,මුස්ලිම් කොංග්රස් නියෝජිතයන්,ද්රවිඩ පක්ෂ නියෝජිතයන් ඒකරාශී කර ගැනීමට කටයුතු කරන්නයි මහනුවර සංවිධායකවරුන්ට ජනපතිවරයා උපදෙස් ලබා දිමට කටයුතු කර තිබේ.
ඉදිරි මැතිවරණ සදහා පොදුජන පෙරමුණ සහ එක්සත් ජාතික පක්ෂය එක්ව මුහුණ දීම සදහා ඊයේ (30) රාත්රියේ මහින්දානන්ද අලුත්ගමගේ,කෙහෙළිය රඹුක්වැල්ල ,ලොහාන් රත්වත්තේ,දිලුම් අමුණුගම,ජනාධිපති රනිල් වික්රමසිංහ මහතා හමුවී මුලික සාකච්චාක් පවත්වා ඇති අතර එය ධනාත්මක ප්රතිචාර මත අවසන් වී ඇති බවද වාර්තා වේ.
