මෑත කාලයේදී රටේ ආර්ථිකය විනාශ වීම සදහා බලපෑ ප්රධාන තීන්දු තීරණ ගණනාවක්ම ගනු ලැබුවේ එවක මහබැංකුවේ මුදල් මණ්ඩලයෙන් බවත්, එහි ප්රධාන තීරකයා වශයෙන් කටයුතු කළේ දේශපාලන පත්වීමක් ලබා පැමිණි කෝටිපති ව්යාපාරිකයකු වූ සමන්ත කුමාරසිංහ මහතා බවත් කෝප් කමිටුවේදී අනාවරණය විය.
ඒ, එම කමිටුව ඉදිරියේ මුදල් මණ්ඩලයේ හිටපු සාමාජිකාවක වන ආචාර්ය රාණි ජයමහ මහත්මිය විසින් කරනු ලැබූ අනාවරණය හේතුකොටගෙනය.
එහිදී ඇය පෙන්වා දුන්නේ මුදල් මණ්ඩලයේ තමන් සහ තවත් එක් සාමාජිකයෙක් රුපීයල අවප්රමාණය කළ යුතු බව දිගින් දිගටම පෙන්වා දෙද්දී මෙම සමන්ත කුමාරසිංහ නැමැත්තා සිය තීරක බලය පාවිච්චී කරමින් එම යෝජනා නොපිළිගත් බවකි.
එමෙන්ම මෙහිදී කෝප් සාමාජිකයකු වන ආචාර්ය හර්ෂ ද සිල්වා මහතාද මෙම සමන්ත කුමාරසිංහ මහතාගේ ක්රියාකලාපය දැඩිව විවේචනය කරමින් අදහස් පළ කළ ආකාරයක් දැකගත හැකි විය.
රාණි ජයමහ මහත්මිය විසින් හෙළි කළ මුදල් මණ්ඩලයේ තීරක බලය හිමි තැනැත්තා ලෙස කටයුතු කළ සමන්ත කුමාරසිංහ මහතා යනු නේචර්ස් සීක්රට් ආයතනයේ අධිපතිවරයාය.
වත්මන් රජයේ ප්රධානීන් සමග පවතින සමීප හිතවත්කම හේතුවෙන් හෙතෙම මහබැංකුවේ මුදල් මණ්ඩලයට තේරී පත්විය.
ඒ අනුව ඉදිරියේදී අප මෙම සමන්ත කුමාරසිංහ කව්ද, ඔහුට සමීප දේශපාලකයන් කව්ද සහ ඔහු වටා සිටින ව්යාපාරික වළල්ල පිළිබදව සුවිශේෂ හෙළිදරව්වක් කිරීමට සූදානම්ය.
