ඊයේ දිනයේ දී ජනාධිපති ගෝඨාභය රාජපක්ෂ මහතා විසින් හදිසි තත්ත්වයක් ප්රකාශයට පත් කරන ලදී.
මේ සම්බන්ධයෙන්, මෙරට ඇමරිකානු තානාපතිනිය ට්වීටර් පණිවිඩයක් නිකුත් කර තිබේ.
එම ට්වීටර් පණිවිඩයේ දළ සිංහල අදහස පහතින් උපුටා දක්වමු.
“නැවත හදිසි තත්ත්වයක් ප්රකාශයට පත් කිරීම පිළිබදව ඇමරිකානු රජයේ අවධානය යොමු වී තිබේ. සාමකාමී පුරවැසියන්ගේ හඩට ශ්රී ලංකා රජය කන්දිය යුතු ය.රට නැවත සමෘද්ධිමත් කිරීමටත් – සියළු පුරවැසියන්ට සමාන අවස්ථා හිමිකර දීමටත්, දීර්ඝ කාලීන විසදුම් සොයාගත යුතුව තිබේ. හදිසි නීතිය ඊට පිළියමක් නොවේ.”
Concerned by another State of Emergency. The voices of peaceful citizens need to be heard. And the very real challenges Sri Lankans are facing require long term solutions to set the country back on a path toward prosperity and opportunity for all. The SOE won’t help do that.
— Ambassador Julie Chung (@USAmbSL) May 7, 2022
ආසියාවේ පැරණිතම ප්රජාතන්ත්රවාදී රාජ්යයක් වන ශ්රී ලංකාවේ පුරවැසියන්, තම අදහස් ප්රකාශ කිරීමේ නිදහස සාමකාමීව භුක්ති විදිමින් සිටින බව මාසයකට ආසන්න කාලයක් තිස්සේ පෙන්නුම් කරමින් සිටියි.
ජනතාව මුහුණ දී සිටින දුෂ්කරතා ජය ගැනීමට හදිසි තත්ත්වයක් ප්රකාශයට පත් කිරීමෙන් උදව්වක් නොලැබෙන අතර, ඊට ප්රතිපක්ෂව එමගින් අහිතකර බලපෑමක් ඇති විය හැකි බව යුරෝපා සංගමය පවසයි.
Concerned by the state of emergency, EU strongly urges Sri Lankan authorities to safeguard democratic rights of all citizens, including right to free assembly and dissent, which has to be peaceful. Challenging times for Sri Lankan people- EU continues to follow situation closely
— EU in Sri Lanka (@EU_in_Sri_Lanka) April 2, 2022
රට තුළ පැන නැගී ඇති උද්ඝෝෂණ ඉතාමත්ම සාමකාමීව සිදුවද්දී – ජනාධිපතිවරයා විසින් හදිසි තත්ත්වයක් ප්රකාශ කිරීම පිළිබදව ශ්රී ලංකාවේ කැනේඩියානු මහකොමසාරිස්වරයා සිය අවධානය යොමු කර තිබේ.
ඒ සම්බන්ධයෙන් ඔහු විසින් නිකුත් කර තිබෙන ට්වීටර් පණිවිඩයේ දළ අදහස පහත පරිදි වේ.
“පසුගිය සති කිහිපය තිස්සේ රටපුරා මතුව ඇති විරෝධතාවයන් ට සාමකාමීව සිය අදහස් ප්රකාශ කිරීමේ අයිතිය භුක්තිවිදින පුරවැසියන් දහස් ගණනින් සම්බන්ධ වී සිටිති. එහි ගෞරවය රට තුළ ස්ථාපිතව ඇති ප්රජාතන්ත්රවාදයට හිමිවිය යුතු ය. එවැනි තත්ත්වයක් තුළ – හදිසියේම හදිසි නීතිය ප්රකාශයට පත් කිරීමේ අවශ්යතාව කුමක්ද යන්න අපහැදිලි ය. “
Over the past weeks, the demonstrations across #SriLanka have overwhelmingly involved citizens enjoying their right to peaceful freedom of expression, and are a credit to the country’s democracy. It’s hard to understand why it is necessary, then, to declare a state of emergency.
— David McKinnon (@McKinnonDavid) May 6, 2022
