දකුණු දිග යුක්රේනයේ පිහිටි Mariupol නගරයේ පිහිටි ළමා සහ මාතෘ රෝහලක් වෙත එල්ල වූ රුසියානු ප්රහාරයකින් ඊට බරපතළ හානි සිදුව ඇති බව වාර්තාවේ.
විදෙස් මාධ්ය සඳහන් කර සිටියේ රුසියානු රොකට් ප්රහාර හේතුවෙන් රෝහලට බරපතළ හානි සිදුව ඇති බවයි.
මේ වන විට ලැබී ඇති වාර්තා අනුව ප්රහාරයෙන් රෝහල් සේවකයින් , මව්වරුන් ඇතුළු 17 දෙනෙකු තුවාල ලබා ඇති අතර තුවාලකරුවන් ගණන මිට වඩා ඉහල යාමේ හැකියාවක් පවතින බව සහන සේවකයින් සඳහන් කර සිටී.
මේ අතර යුක්රේන ජනාධිපති Volodymyr Zelensky නිවේදනයක් නිකුත් කරමින් රුසියාව විසින් රෝහලක් ඉලක්ක කරමින් සිදුකළ ප්රහාරය හෙළා දැක ඇති අතර බෝම්බ ප්රහාරයෙන් විනාශ වූ ගොඩනැගිලි සුන්බුන් වලට ළමුන් යටවී ඇති බව ඔහු වැඩිදුරටත් සඳහන් කර සිටියේය.
මෙම රුසියානු ප්රහාරය සම්බන්ධයෙන් මේ වන විට බ්රිතාන්යය ඇතුළු බටහිර රටවලින් බරපතල ලෙස විවේචනයන් එල්ල වෙමින් පවතින බවද විදෙස් මාධ්ය සඳහන් කර ඇත.
