කොළඹ වරාය නගරයේ මුල්ය ගනුදෙනු ඇතුළු ප්රධාන කටයුතු ජනාධිපති ගෝඨාභය රාජපක්ෂ මහතා යටතට පවරා ගැනීමට නියමිතව ඇති බව වාර්තා වේ.
ඒ අනුව කොළඹ වරාය නගරය සහ ව්යාපෘතියේ ප්රධාන කාර්යයන් 3ක් ජනාධිපතිවරයාගේ විෂය පථයට සෘජුවම ගෙන ඒම සඳහා අමාත්යවරුන්ගේ අනුමැතිය ලබා ගැනීම සඳහා අමාත්ය මණ්ඩල සංදේශයක් ඉදිරිපත් කිරීමට නියමිත බව දැනගන්නට ඇත.
පෝට් සිටි ව්යාපෘති කළමනාකරණ ඒකකයේ සියලුම මූල්ය ප්රතිපාදන සහ ගණුදෙනු අමාත්ය මණ්ඩල අනුමැතිය ඇතිව ක්රියාත්මක වන බව මුදල් අමාත්යාංශ ආරංචි මාර්ග පවසයි.
පෝට් සිටි ප්රදේශයේ නාගරික සංවර්ධනය, අපද්රව්ය (කසළ) බැහැර කිරීම සහ අදාළ ප්රදේශයේ ප්රජා පිරිසිදු කිරීම ද ජනාධිපතිතුමාගේ උපදෙස් පරිදි සිදු කෙරේ.
මෙම වැඩසටහනේ මූලික කටයුතුවලට අදාළ ලිපි ලේඛනවලට ජනාධිපති ගෝඨාභය රාජපක්ෂ මහතා පෙබරවාරි 15 වැනිදා අත්සන් තබා ඇති බව ආරංචි මාර්ග සඳහන් කරයි.
