මැක්සිකෝවේ නව පාලන ආණ්ඩුව ආරම්භ වූ 2018 දෙසැම්බර් පළමුවැනිදා සිට මේ දක්වා අත්අඩංගුවට ගැනුණු සින්තටික් වැනි කෘත්රිම මත්ද්රව්ය තොග ප්රමාණය 525%කින් ඉහළ ගොස් ඇත.
එරට ආරක්ෂක දෙපාර්තමේන්තුවේ වැටලීම් නිලධාරීන් 2016 සිට 2018 අතර තුන් අවුරුදු කාලය තුළ අත්අඩංගුවට ගනු ලැබූ මත්ද්රව්ය තොගය රාත්තල් 1,232ක් හෙවත් කිලෝග්රෑම් 559කි.
එහෙත් 2019 සිට 2021 අතර තුන් අවුරුදු කාලය තුළ අත්අඩංගුවට ගත් ප්රමාණය රාත්තල් 7,710 හෙවත් හෙවත් කිලෝග්රෑම් ප්රමාණය 3,497කි.
මැක්සිකෝවේ ආරක්ෂක ලේකම් ජෙනරල් ලුයිස් ක්රෙසන්සියෝ සෑන්ඩොවෙල් ප්රකාශ කෙළේ මේ මාරාත්මක තොග චීනෙන් ආනයනය කරන බවකි.
2016 සිට 2018 දක්වා කාලය තුළ අත්අඩංගුවට ගැනුණු රාත්තල් 120,100ට හෙවත් කිලෝ ග්රෑම්54,521ක් වූ මෙත් ද්රව්ය තොගයට වඩා 128%ක වර්ධනයකින් යුතු මෙතම්පිටමයින්ස් රාත්තල් 275,000 හෙවත් කිලෝග්රෑම් 124,737 ගතවූ තුන් වසර තුළ අත්අඩංගුවට ගැනුණු බව හෙතෙම පැවැසුවේය.
මේ සින්තටික් මත්ද්රව්ය පාවිච්චියේ පහසුව සඳහා සහ වෙනසක්ද, වෙළෙඳපොළ වෙනසක්ද සිදුවී ඇතැයි කී හෙතෙම පෙති වශයෙන් හෝ වේදනා නාශක මුවාවෙන් ඖෂධ වර්ග සමග මුසුකර නිෂ්පාදනය කෙරෙන බවද ඊට චීනයේ අපරාධ කල්ලියක් සම්බන්ධ බවද ආරක්ෂක ලේකම්වරයා පැවැසීය. මේ හේතුව නිසා ඕපියම් වගාකරමින් වෙහෙසෙන්නට අවශ්ය වන බවක් පෙනෙන්නට නැතැයිද පැවසීය.
මැක්සිකෝවෙන් ඇමෙරිකාවට මත්ද්රව්ය තොගයක් ප්රවාහනය කරමින් සිටි ට්රක් රථ රියැදුරකු පසුගියදා අත්අඩංගුවට ගැනීමෙන් මැක්සිකෝවේ කෙරෙන නිෂ්පාදනයේ තරමද පැහැදිලි විනැයි හෙතෙම වැඩිදුරටද කීය.
මෙත් නමැති වර්ගයෙන් රාත්තල් 17,500ක් හෙවත් කිලෝග්රෑම් 7,930ක්ද ෆෙන්ටනිල් (වේදනා නාශක) මුවාවෙන් නිෂ්පාදනය කෙරෙන වර්ගයේ මත්ද්රව්ය රාත්තල් 389ක් හෙවත් කිලෝග්රෑම් 176ක ට්රැක්ටර් ටේලරයක සඟවා ප්රවාහනය කරමින් සිටියදී සන්තියාගෝවේ ඔටේමෙසා දේශසීමාවේදී පසුගියදා රියැදුරා අත්අඩංගුවට ගැනුණු බවද ඇමෙරිකාවේ නීති දෙපාර්තමේන්තුවෙන් නිකුත් කළ නිවේදනයක සඳහන්ය.
ඇමෙරිකානු රේගු දෙපාර්තමේන්තුව සහ දේශ සීමා සුරක්ෂණ අංශයේ නිවේදනවලට අනුව වේදනා නාශක මුවාවෙන් පසුගිය ඔක්තෝබර් මාසයේ පමණක් නිෂ්පාදන ප්රමාණය 42%ක වර්ධන අගයක් දැක්වේ.
මැක්සිකෝව සහ චීනය අතර මහා පරිමාණයෙන් කෙරෙන මත්ද්රව්ය ජාවාරම නැවැත්වීමට ජෝ බයිඩන්ගේ ආණ්ඩුවට තමා බලකරන බව රිපබ්ලිකන් පක්ෂයේ සෙනේටර් රොබ් පෝර්ට්මන් “ෆොක්ස්” පවෘත්ති සේවය සමග පසුගියදා පැවැති මාධ්ය සාකච්ඡාවකදී දිවුරා ප්රකාශ කෙළේය.
ඇමෙරිකානුවන් වාර්තාගත අන්දමින් මරණයට පත්කරවන වේදනා නාශක ලේබලය අලවා වෙළෙඳපොළේ අලෙවි කරවන මත්ද්රව්ය වෙළෙඳාම පිළිබඳ ජනයා දැනුවත් කිරීමේ වැඩසටහන් රට පුරා ක්රියාත්මක කරවන බවටද හෙතෙම ප්රතිඥා දුන්නේය.
මත්දූව්ය අධික ප්රමාණයක් ගැනීම නිසා ඇමෙරිකානු ඉතිහාසයේ ඉතා භයානක අන්දමින් වාර්තාගත වූ මරණ සංඛ්යාව 2020 අප්රේල් මාසයේ සිට 2021 අප්රේල් මාසය දක්වා වූ වසරක කාලය 100,000ක් ලෙස අනාවරණ වී ඇති බව වෛද්ය වාර්තාවල දැක්වේ.
කොවිඩ් වැලඳුණු රෝගීන් බොහෝ දෙනකු වේදනා නාශකයක් ලෙස මේ වර්ගයේ ව්යාජ ඖෂධ භාවිතයෙන් මරණ සංඛ්යාව මෙසේ ඉහළ ගොස් ඇතිබවද අනාවරණවී ඇත.
මත්ද්රව්ය අර්බුදය සම්බන්ධයෙන් ජෝ බයිඩන්ගේ ආණ්ඩුව මේ වන විට රිපබ්ලිකන් පක්ෂයේ සෙනේටර් රොබ් පෝර්ට්මන් ඇතුළු කණ්ඩායමකගේ දැඩි විවේචනයට පාත්රව ඇත.
“මැක්සිකෝව මෙන්ම චීනය සමග කටයුතු කිරීමටද බයිඩන් ආණ්ඩුව ප්රවේශම් විය යුතුයි. දේශසීමාවල පරීක්ෂණ තර කළ යුතුයි. මහා පරිමාණයේ සුරක්ෂා ව්යාපාරයක් ආරම්භ කළ යුතුයි” ඔවුහු දැඩිව අවධාරණය කරති.
චන්ද්රසේන මාරසිංහ
