සමගි ජන බලවේගය “දේශපාලනය” වෙනුවට “දේශ සේවය” කිරීමේ දේශපාලන ව්යාපාරයක් බවත් ජනතාවගේ සිතුම් පැතුම් අවබෝධ කරගෙන ඔවුන්ගේ අපේක්ෂාවන් ජයග්රහණය කිරීම වෙනුවෙන් කැපවීම එහි දර්ශනය බවත් විපක්ෂ නායක සජිත් ප්රේමදාස මහතා පැවසීය.
විපක්ෂයේ භූමිකාව නවීන ලෙසත් ජනතාවාදී ලෙසත් ඉටුකරන හේතුවෙන් ඇතැම් පාර්ශව බියට පත්වී පත් වී ඇති නමුත් ඒ කිසිවක් තම ගමනට බාධාවක් නොවන බව ද බව ද විපක්ෂ නායකතුමා පැවසීය. සමගි ජන බලවේගයේ ආසන සංවිධායකවරුන්ට පත්වීම් ලිපි ලබා දීමේ වැඩසටහනට එක්වෙමින් අද(29) විපක්ෂ නායක කාර්යාල දී ඒ මහතා මේ බව පැවසීය.
රටේ ජනතාවට දේශපාලනය තිත්ත වී ඇති බව ඇත්තක් වන අතර, ඒ නිසා ජනතාව බලාපොරොත්තු වෙන්නේ දේශයට සේවය කරන කණ්ඩායමක් බව ද ඒ මහතා පැවැසීය.
“නිදහසෙන් පස්සෙ විපක්ෂයේ ඉන්න විට කිසිම දේශපාලන පක්ෂයක් සුබසාධන සේවාවන්වත්, ජනතාවට සේවයවත් කරලා නැහැ. විපක්ෂයේ ඉන්න කොට ඔවුන් කරන්නේ සංවිධාන ශක්තිය තරකරන එක. විපක්ෂයේ ඉන්න කොට හැම වෙලාවෙම උත්සාහ කරන්නේ ආණ්ඩු බලය ලබා ගන්න. අපිත් ඒ දේ කරනවා. හැබැයි ඉතිහාසයේ කිසිම දේශපාලන ව්යාපාරයක් විපක්ෂයේ ඉන්නකොට නොකරපු දේත් කරනවා.
ඒ තමයි දේශ සේවය. මේ කොරෝනා සමයේ ඒ රටේ සෞඛ්ය පද්ධතිය සුරක්ෂිත කරන්න,එය සෞඛ්ය සේවය නඟාසිටුවන්න මේ රටේ කිසිම පක්ෂයක් විපක්ෂයේ ඉන්න කොට නොකරපු සේවයක් අපි කරලා තියෙනවා. කිසිම නායකයෙක් නොකරපු සේවයක් අපි කරලා තියෙනවා. සමහර නායකයෝ සූම් රැස්වීම් තියන අතරෙදි,තවත් සමහර නායකයෝ කුමන්ත්රණ කරන අතරෙදි අපි මේ වෙනකොට වට 28ක දී ලක්ෂ අටසිය තිහකට වැඩි රෝහල් උපකරණ පරිත්යාග කරලා තියෙනවා.
අපි යන දිසාව මොකක්ද කියලා කවුරුහරි ප්රශ්න කරනවා නම් අපි ඒකට පෙන්නනවා හුස්ම වැඩසටහන අපි යන දිශාවක එක සලකුණක් කියලා.අපේ ගමනේ අර්ථය දේශයට සේවයක් සිද්ධ කිරීම.
අපේ දර්ශනය කට වචනයෙන්වත් ,ප්රතිඥා වලින්වත් ,ප්රතිපත්ති ප්රකාශන වලින්වත් සීමා නොවී ක්රියාවෙන්ම ඔප්පු කරනවා. හදවත පිරිසිදු නම්, ගමන නිවැරදි නම් එයින් රටට ජනතාවට වැඩක් කෙරෙනවා නම්, අන්න එතැනදී ජනතාවගේ අපේක්ෂාවන් සපල වෙනවා.”
අර්ථයක් ඇති ,ජනතාව වෙනුවෙන් අපේ ගමනට ප්රයෝජනවත්වන ඕනෑම විවේචනයක් දරා ගන්නටත් ඒවාට ඇහුම්කන් දෙන්නටත් තමන් කිසි විටෙක පසුබට නොවන බව පැවසූ විපක්ෂ නායකතුමා,හිස් අවලාද ලෙස නගන අර්ථ විරහිත විවේචන පයට පෑගෙන දූවිල්ලක් තරමටවත් ගණන් නොගන්නා බවද පැවසීය.
