බටහිර රටවල් ඇතුලු රටවල් රැසක් ලංකාවේ කාබනික පොහොර වගාව සාර්ථක කර ගැනීමට සහාය දැක්වීමට සූදානම් බව ජනාධිපති ගෝඨාභය රාජපක්ෂ මහතා කැබිනට් මණ්ඩලයට දැනුම් දී තිබේ.
විශේෂයෙන්ම කාබනික පොහොර වගාව සාර්ථකව සිදු කරන ජර්මනිය ඊට උපකාර කිරීමට සූදානමින් සිටින බව ජනාධිපතිවරයා එහිදී පැහැදිලි කොට ඇත.
මෙම කන්නයට රසායනික පොහොර හිගයක් නොමැති බවත්, යම් ප්රශ්නයක් ඇතිනම් ඇමැතිවරුන් ඊට මැදිහත් විය යුතු බවත් ජනාධිපතිවරයා විසින් ඇමැති මණ්ඩලයට දැනුම් දී තිබේ.
කිසිදු හේතුවක් නිසා මෙම රසායනික පොහොර තහනම ඉවත් නොකරන බවද ජනාධිපතිවරයා මෙහිදී දැඩිව ඇමැතිවරුන්ට දැනුම් දී ඇති බවද වාර්තා වේ.
