ශ්රී ලංකා යුද හමුදාව මින් ඉදිරියට එක්සත් ජාතීන්ගේ සාම සාධක මෙහෙයුම්වල යෙදවීම නැවැත්වීමට එක්සත් ජාතීන්ගේ සාමසාධක දෙපාර්තමේන්තුව තීරණය කර ඇත.
ලුතිනන් ජනරාල් ශවේන්ද්ර සිල්වා මහතා යුද හමුදාපති ධුරයට පත්කිරීමට ජනාධිපතිවරයා ගත් තීන්දුවට විරෝධය පළ කරමින් මෙම තීන්දුව ගෙන ඇති බව එක්සත් ජාතීන්ගේ මාධ්ය ප්රකාශකවරයකු උපුටා දක්වමින් ඇමෙරිකා එක්සත් ජනපදයේ ‘ෆොරින් පොලිසි’ සඟරාව වාර්තා කර තිබේ.
මානව හිමිකම් කඩකිරීමේ චෝදනා මත ලුතිනන් ජනරාල් ශවේන්ද්ර සිල්වා යුද හමුදාපති ධුරයට පත්කිරීම සම්බන්ධයෙන් අමෙරිකා එක්සත් ජනපදය, යුරෝපා සංගමය මෙන්ම එක්සත් ජාතීන්ගේ මානව හිමිකම් කවුන්සිලය ද විරෝධය පළකිරීමට කටයුතු කොට තිබිණ.
