පොහොට්ටුවේ ජාතික සංවිධායක බැසිල් රාජපක්ෂ මහතා අමෙරිකාව බලා පිටත්ව යාම සම්බන්ධයෙන් පාර්ලිමේන්තු මන්ත්රී ජයන්ත කැටගොඩ මහතා ආණ්ඩු පක්ෂයේ මන්ත්රීවරුන් අතර පමණක් ක්රියාත්මක ‘වට්ස්ඇප්’ කණ්ඩායම වෙත විශේෂ පණිවුඩයක් තැබීමට පියවර ගෙන ඇත.
එම පණිවුඩය මෙසේය.
බැසිල් රාජපක්ෂයන්ගේ විදේශගත වීම සාධාරණ ද ?
කෝවිඩ් අභිබවා ජනමාධ්ය තුළ සමාජ මාධ්ය තුළත් සාකච්ඡාවට ලක් වෙන ප්රබල මාතෘකාවක් “බැසිල්ගේ විදේශගතවීම “
අභියෝගය නිවැරදිව හඳුනාගත්තෝ දිගටම පහර දුන්නේ බැසිල් රාජපක්ෂයන්ටයි . ඔහුගේ විදේශගතවීම ගැන කිඹුල් කඳුළු හලන්නන් ලංකාවේ පුරවැසිභාවය පවා අභියෝග කළ අයයි.
බැසිල් රාජපක්ෂයන්ගේ උපායමාර්ගික සැලසුම් දන්නා බොහෝ අය ඔහුගේ විදේශගතවීම තවත් දේශපාලන විපර්යාසයක පෙර ලකුණු යයි පවසයි .
ආසියාතික දේශපාලනයේ මහා විප්ලවීය මිනිසා බැසිල් රාජපක්ෂයි, සමස්ත ජීවිතයම දේශපාලන පදනමෙන් බලන්නෙක් නොවෙයි බැසිල් රාජපක්ෂ , දිළිඳුභාවය තුරන් කිරීම සඳහා ඔහු ගෙන ගිය ආර්ථික මෙහෙයුම ඇතැම්විට දේශපාලනිකව වාසි අවාසි නොබලා ඔවුහු ඒ හැම වෙලාවෙම රට මුල් තැනට ගෙන තීන්දු තීරණ ගත් නායකයෙකි.
ජනාධිපති කාර්ය සාධන බලකායේ ප්රධානියා වශයෙන් විශේෂයෙන් කෝවිඩ් උවදුරු හමුවේ දේශීය ආර්ථිකයට පණ පෙවීම සඳහා ග්රාමීය ආර්ථිකය ශක්තිමත් කරමින් , සෞඛ්ය ක්ෂේත්රය බිඳවැටීමට නොදී පක්ෂයක් වශයෙන් එයටද ශක්තිය ලබාදෙමින් ඔහු දියත් කළ මහා මෙහෙයුම අතරමඟ නවතීද ?
නැත, කිසිසේත්ම නැත.
ඔහු සැම විටම පුද්ගලයෙක් හෝ පුද්ගලයන් මත යැපෙන නායකයෙක් නොවේ. ඔහු ගොඩ නඟන්නේ සිස්ටම් එකයි , ඒ සිස්ටම් එක ඇතුලේ තමා සිටින තැන ඔහුට කිසිසේත්ම වැදගත් නැත . සිස්ටම් එක හැදුවට පස්සේ ඒක අපූරුවට දුවන දෙස බලා නිහතමානීව සතුටු වෙන පුද්ගලයෙක් මා වෙන කිසිවෙකුගෙන් දැක නැත . ඒ අපූරු මිනිසා බැසිල් ,
පක්ෂයේත් රටේත් අමාරුම මොහොතේ අපි හැමෝම හිතපු එක දෙයක් තිබුනා ඒ බැසිල් සර් මොනව හරි කරයි !! ඒ හැම ප්රශ්නෙකටම සාර්ථක පිළිතුර තිබුණේ බැසිල් රාජපක්ෂයන් ළඟයි ,
ඔහු රටින් පිටව යාම ඔහු ගැන නොදන්නෝ ඇතැම් විට විවේචනය කරයි . විපක්ෂයේ විවේචනය හුදු දේශපාලනික නිසා එය තාර්කික බලන කල එය විපක්ෂයේ දේශපාලන විද්යාවයි .
පක්ෂය මනාලෙස මෙහෙයවා මුළු රටම කෝවිඩ් අර්බුදය හමුවේ සිටින විට තම පක්ෂය ස්වේච්ඡා සංවිධානයක් කර මහා සෞඛ්යය මෙහෙයුමට සම්බන්ධ කළේ ඒ අපූරු නායකයායි .
ආරම්භයත් අවසානයත් ඔහුගේය . එහෙත් විජයග්රාහි ප්රතිඵලයට ඔහු කිසි දිනෙක අයිතිවාසිකම් කීමට පෙරට ආවේ නැත.
පැය 24 ම වෙහෙස වූ නායකයා බැසිල් රාජපක්ෂයි . ඔබ කොතැන සිටියත් මේ මහා මෙහෙයුමට නායකත්වය ලබාදෙන බව අප හොඳ හැටි දනිමු .
“බල්ලෝ බුරති එහෙත් පර්වතයෝ නොපත් වෙති “
කිසිදු දින විවේචනය දෙස නොබලා , සාධාරණය යුක්තිය ,මාතෘ භූමිය වෙනුවෙන් සිය මෙහෙවර ඉටු කළ නායකයා බැසිල් රාජපක්ෂයි,
සිස්ටම් එක දුවනවා සර් පරිස්සමට එන්න ..
