මෙතෙක් කල් සජිත් පාර්ශ්වයේ ප්රබලයකු ලෙස කටයුතු කළ මලික් සමරවික්රම මහතා ඊයේ දිනයේදී අගමැති රනිල් වික්රමසිංහ මහතා සමග එකම රථයේ නැගී ගොස් නුවර රැස්වීම් කිහිපයකට සහභාගි වී ඇත.
එහිදී මලික් සමරවික්රම මහතා අගමැතිවරයා සමග එකම හෙලිකොප්ටරයේ ගමන් ගෙන ඇති බවද දැනගන්නට ඇත. එමෙන්ම අගමැතිවරයා සදහා දිවා භෝජනයද සූදානම් කොට ඇත්තේ සමරවික්රම මහතාගේ වටපුළුවේ නිවෙසේ බව වාර්තා වේ.
වික්රමසිංහ මහතාගේ අතිසමීපතමයකු මෙන්ම පාසල් සගයාද වන මලික් සමරවික්රම මහතා රනිල්ට එරෙහිව පැමිණි අභ්යන්තර කැරලි කිහිපයදීම රනිල් වෙනුවෙන් පසුගිය කාල සීමාව පුරාම ප්රබලව පෙනී සිටියේය.
නමුත් මෙවර සියල්ලන්ම පුදුමයට පත් කරමින් මලික් සජිත් පිලට එකතු වූ නමුත් බොහෝ දෙනා ඒ අවස්ථාවේදීද කියා තිබුණේ මලික්ගේ මෙම වෙනස්වීම කිසිසේත්ම විශ්වාස කළ නොහැකි බවකි. එමෙන්ම මලික් පිළිබදව විශ්වාසය තබා නොගන්නා ලෙස සජිත් පිලේ ඇතැමුන් කියා තිබුණද එම පිලේ පැවැති රහසිගත සාකච්ජා සියල්ලටම පාහේ මලික් සහභාගී වී සිට ආකාරයක් දැකගන්නට ලැබිණ.
කෙසේවෙතත් ඊයේ දිනයේදී මලික් රනිල් සමග එකම රියේ නැගී ගමන් කළ බවට වාර්තා වීමත් සමග සජිත් පිල මේ වනවිට විශාල ලෙස කැළඹී සිටින බවක්ද දැනගන්නට ඇත.
