SLIIT උසස් අධ්‍යාපන ආයතනය ජාතික සංවර්ධනයට දැක්වූ දායකත්වය

උසස් අධ්‍යාපනයේ සාර්ථක පරිච්ඡේදයක් පසුගිය දශක දෙක තුළ දැයට තිළිණ කළ SLIIT අධ්‍යාපනික විශිෂ්ටත්වය කරා සිසුන්ට ගමන් කිරීමට සහයෝගය දැක්වීම ප්‍රමුඛස්ථානයෙහිලා සලකමින් සිසුන්ට අත්‍යවශ්‍ය කුසලතා ලබා ගැනීමට අවශ්‍ය පරිසරය නිර්මාණය කරමින් ජාතික ආර්ථිකය හැඩගැස්වීමට දායක වී සිටී.
1999 වසරේදී මෙරට වර්ධනය වන කර්මාන්තය ක්ෂේත්‍රයට අවශ්‍ය, ප්‍රමාණවත් තොරතුරු තාක්ෂණ වෘත්තිකයන් බිහිකිරීමේ අරමුණින් කොල්ලුපිටියේ පිහිටි ප්‍රථම SLIIT ආයතනයේදී ආරම්භක බඳවාගැනීම ලෙස සිසුන් 390ක් බඳවා ගන්නා ලදී. අද, දශක දෙකකට පසු SLIIT , මෙරට උසස් අධ්‍යාපන ආයතන අතර සිය ස්ථාවරය තහවුරු කරමින් ශ්‍රී ලංකාවේ තොරතුරු තාක්ෂණ ක්ෂේත්‍රයේ සේවය කරන පුද්ගලයන්ගෙන් 65%කට SLIIT උපාධිය හිමි කරගත් පුද්ගලයන් බවට පත් කිරීමට සමත්ව ඇත.
මීට අමතරව, SLIIT මේ දක්වා සාර්ථක වෘත්තිකයන් 27,000කට අධික සංඛ්‍යාවක් බිහි කර ඇති අතර උපාධි කාලය වන විට 93%කට වඩා වැඩි පිරිසක් සේවයෙහි නියුක්තව ඇත.