ශ්රී ලංකාව තුළ මේ වන විට ජලභීතිකා (Rabies) රෝගය හේතුවෙන් මරණ 20 ක් වාර්තා වී ඇති බවත්, සමාජයක් ලෙස සියලු පාර්ශවයන් තමන්ගේ වගකීම් නිසි පරිදි ඉටු කළේ නම් ඩෙංගු මරණ මෙන්ම මෙම ජලභීතිකා මරණ ද වළක්වා ගැනීමට හැකියාව තිබූ බවත් රාජ්ය පරිපාලන, පළාත් සභා හා පළාත් පාලන අමාත්ය මහාචාර්ය චන්දන අබයරත්න ප්රකාශ කළේය.Sri Lanka Latest News
කොළඹ බණ්ඩාරනායක අනුස්මරණ සම්මන්ත්රණ ශාලාවේදී (BMICH) පැවැති ‘පෙට් එක්ස්පෝ ශ්රී ලංකා 2026’ (Pet Expo Sri Lanka 2026) ප්රදර්ශනයේ දෙවන දින සමාරම්භක උත්සවයට ප්රධාන ආරාධිතයන් ලෙස එක්වෙමින් අමාත්යවරයා මේ බව සඳහන් කළේය. මෙම අවස්ථාව සඳහා සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස ද සහභාගී විය.
දිස්ත්රික් ව්යාප්තිය සහ මූල්ය පිරිවැය
මෙහිදී අදහස් දැක්වූ අමාත්ය මහාචාර්ය චන්දන අබයරත්න සනාථ කළේ ශ්රී ලංකාවෙන් මේ වන විට වාර්තා වී ඇති සමස්ත ජලභීතිකා මරණ 20 න් වැඩිම බලපෑමක් එල්ල වී ඇත්තේ පුත්තලම දිස්ත්රික්කයට බවයි. පුත්තලම දිස්ත්රික්කයෙන් පමණක් ජලභීතිකා මරණ 04 ක් වාර්තා වී ඇති බව හෙතෙම පෙන්වා දුන්නේය.
ජලභීතිකා රෝගයට අදාළ වෛද්ය ප්රතිකාර සැපයීම, එන්නත්කරණය සහ රෝග ව්යාප්තිය වැළැක්වීමේ ජාතික වැඩපිළිවෙළවල් වෙනුවෙන් රජයක් ලෙස වාර්ෂිකව දැවැන්ත මූල්ය ප්රතිපාදන ප්රමාණයක් වැය කරන බවත්, මෙම රෝගී තත්ත්වයන් හේතුවෙන් මෙරට සාමාන්ය ජනජීවිතය සහ පවුල් පසුබිම් දරුණු ලෙස බිඳවැටෙන ආකාරය නිරීක්ෂණය වී ඇති බවත් අමාත්යවරයා මෙහිදී සඳහන් කළේය.
රෝගය තුරන් කිරීමේ සාමූහික අභියෝගය
පවතින තත්ත්වය මත ජලභීතිකා රෝගය රටින් මුළුමනින්ම තුරන් කිරීමේ දැවැන්ත අභියෝගය සමස්ත ප්රජාවක් ලෙස එකමුතුව භාරගත යුතු බව අමාත්යවරයා අවධාරණය කළේය. දේශපාලන අධිකාරිය, වෛද්යවරුන් මෙන්ම සත්ව සුභසාධන හා පශු වෛද්ය ක්ෂේත්රයේ නිරත සෙසු වෘත්තිකයන් ද එක්ව මෙම අභියෝගයට මුහුණ දිය යුතු බව ප්රකාශ විය.
‘පෙට් එක්ස්පෝ 2026’ ප්රදර්ශනය තුළ සතුන්ගේ සෞඛ්ය ආරක්ෂාව සහ රැකවරණය වෙනුවෙන් ඉදිරිපත් කර ඇති නව නිපැයුම් මෙන්ම අලුත් ප්රවේශයන් අගය කළ මහාචාර්ය චන්දන අබයරත්න, වත්මන් සමාජය තුළ ව්යාප්ත වන ඩෙංගු රෝගය මෙන්ම ජලභීතිකාව ද ව්යසනයක් දක්වා වර්ධනය වීම වැළැක්විය හැක්කේ මහජනතාව තමන් සතු සාමූහික සහ පුද්ගලික සමාජ වගකීම් නිවැරදිව ඉටු කිරීමෙන් පමණක් බව වැඩි දුරටත් පැවසිය.
