බලතල ඇත්තො බීරි අලි වෙති යසට
ගෙන ආ වැරදි මග ගල් අඟුරක් හන්දා
රටටම ලැබුණි අපමණ ලෙස නවනින්දා
ජනතාවම රටේ අන්තයටම අන්දා
යහපත නැත රටට අමනවු වැඩ හින්දා Sri Lanka Latest News
එක මණ්ඩලය අද ඇත හයකට බෙදලා
දැනටම තිබේ රට ගන අඳුරක හෙළලා
සිටියදි විරුදු පස තුළ වැදි බණ දෙසලා
රජ උරුමය බිඳී තැන තැන විස කවලා
වනසනු එපා ලංවිම කිය කිය ඉඳලා
පසෙකට වී නගරෙ අධිපතිකම ලබලා
සිදුවන සියලු දෑ අද හරියැයි කියලා
තුටුවනු පෙනේ දිව දෙක එළියට දමලා
රෝහල් හැදූ අයට ගරහා ඉහළ පෙළේ
‘මරමු… මරමු’ යන මතයකි සපථ කළේ
මේ අය අහෝ පසුගියදා මොකද කළේ
රෝහල් කාමරය ජනයා නමට හලේ
මේ වැනි බොළඳ වැඩ කෙරුවා මිස රටට
දැනෙනා කිසි දෙයක් සිදුකර නැති බවට
ජනයා නගන හඬ පැතිරෙන විට තදට
බලතල ඇත්තො බීරි අලි වෙති යසට
