අපරාධ පරීක්ෂණ දෙපාර්තමේන්තුව විසින් මුද්රා තබන ලද කොහුවල පිහිටි ලංකා ගල් අඟුරු සමාගමේ ප්රධාන කාර්යාලය ඊයේ (15) දින යළි විවෘත කර ඇති බව බලශක්ති අමාත්යාංශය පවසයි. Sri Lanka Latest News
අපරාධ පරීක්ෂණ දෙපාර්තමේන්තුව සිදුකරන විමර්ශනයකට අදාළව අවශ්ය ලිපිගොනු ලබා ගැනීම ඊයේ දිනයේ සිදුකර ඇත.
එම කටයුතුවලින් පසු සමාගමේ දෛනික රාජකාරී සාමාන්ය පරිදි පවත්වාගෙන යා හැකි බව අමාත්යාංශය වැඩිදුරටත් සඳහන් කරයි.
2009 වසරේ සිට මෙරටට ගල් අඟුරු ආනයනය කිරීමේදී සිදුව ඇතැයි පැවසෙන අක්රමිකතා සම්බන්ධයෙන් විමර්ශනයක් පවත්වන ලෙස ජනාධිපති ලේකම්වරයා විසින් කරන ලද පැමිණිල්ලකට අනුව ආරම්භ කර ඇති පරික්ෂණයක මූලික පියවර ලෙස පසුගිය 11 දා පස්වරුවේ අපරාධ පරීක්ෂණ දෙපාර්තමේන්තුව විසින් මෙම කාර්යාලයට මුද්රා තබනු ලැබීය.
මේ වන විට විමර්ශනයට අදාළව අවශ්ය සෝදිසි කිරීම් සහ ලිපිගොනු විශ්ලේෂණය කිරීමේ කටයුතු ආරම්භ කර ඇති බව අපරාධ පරීක්ෂණ දෙපාර්තමේන්තුව පවසයි.
