විවිධ ශානරයනට අයත් සිනමා නිර්මාණ තිහකට ආසන්න ප්රමාණයක් ප්රේක්ෂකාගාරය වෙත ගෙන ආ උදයකාන්ත වර්ණසූරියගේ නවතම සිනමා නිර්මාණය ‘සාජන්ට් පුංචිසෝම’ අප්රේල් මස 17 වැනි දින සිට එම්.පී.අයි. සිනමා මණ්ඩලයේ ප්රදර්ශනයක් ලෙසින් දිවයින පුරා සිනමා ශාලාවන්හිදී තිරගතවීමට නියමිතව ඇත. Sri Lanka Latest News
ඉතාමත් නීතිගරුක පොලිස් නිලධාරියකු වන සාජන් පුංචිසෝම, තමාගේ රාජකාරි සගයා මෙන්ම හොඳම මිතුරා වන කොස්තාපල් රත්නපාල සමගින් මුර සංචාරයේ යෙදී සිටියදී මුහුණ පෑමට සිදුවූ එක්තරා සිදුවීමක් නිසා, සාජන්වරයා මුහුණපාන සිදුවීම් පෙළ මේ තුළින් විචිත්රවත් කර ඇත. මෙය පවුලේ සැමට එක්ව නැරඹිය හැකි හාස්යෝත්පාදක සිනමා නිර්මාණයකි.
උදයකාන්ත වර්ණසූරිය විසින් කතාව, තිර රචනය හා අධ්යක්ෂණය කරමින් නිෂ්පාදනය කළ මෙහි, කැමරා අධ්යක්ෂණයෙන් අයේෂ්මන්ත හෙට්ටිආරච්චි, සංස්කරණයෙන් රුවන් චාමර රණසිංහ, ශබ්ද සැලසුම්කරණය හා මිශ්රණයෙන් ශසින් ගිම්හාන් පෙරේරා, ග්රැෆික් නිර්මාණයෙන් වික්රම දීගල්ල, අංග රචනයෙන් වසන්ත විට්ටච්චි සමගින් නන්දන හෙට්ටිආරච්චි, කලා අධ්යක්ෂණයෙන් මනෝජ් ප්රියන්ත, සහාය අධ්යක්ෂණයෙන් ඩොනල්ඩ් ජයන්ත, නිෂ්පාදන කළමනාකරණයෙන් අශෝක ආරියරත්න, ඇඳුම් නිර්මාණයෙන් ප්රියන්ත දසනායක සහ ගී තනු නිර්මාණයෙන් මහේෂ් දෙනිපිටිය, ගී පද රචනයෙන් අතුල කල්දෙමුල්ල සමගින් මාමඩුලේ ගැමුණු, ගීත ගායනයෙන් ෆැලන් ඇන්ඩි්රයා, ශෙනාල් නිශ්ශංක සමගින් ක්ලයිව් රිචඩ්ස් සහ පසුබිම් සංගීතයෙන් සංගීත් වික්රමසිංහ සම්බන්ධව සිටිති.
ප්රියන්ත සෙනෙවිරත්න, රොඩ්නි වර්ණකුල, දුලීකා මාරපන, ශ්රියන්ත මෙන්ඩිස්, කුමාර තිරිමාදුර, මිහිර සිරිතිලක, ආනන්ද අතුකෝරාල, පියතිලක දුනුවිල, තාරා කළුආරච්චි, සරත් කුලාංග, චතුර පෙරේරා, සරත් පීරිස්, ජීවන් හඳුන්නෙත්ති, නන්දන හෙට්ටිආරච්චි, කුමාරි සේනාරත්න, බින්දු බෝතලේගම, අසංග පෙරේරා, නිමල් පල්ලෙවත්ත, දොන් ගයි, උදේනි චන්ද්රසිරි, උපුල් වීරසිංහ, මදුශාන් නානායක්කාර, රාධිකා තිළිණි, දිල් මිහිරාජි, ප්රසාද් ගලප්පත්ති, අනුර ශ්රීනාත් හෙට්ටිආරච්චි, දයානන්ද හේවගේ වසන්ත විට්ටච්චි ඇතුළු නළු නිළියන් විශාල පිරිසක් ‘සාජන්ට් පුංචිසෝම’ චිත්රපටයට රංගනයෙන් දායකවී ඇත.
