වත්මන් ඇමෙරිකානු-ඊශ්රායල-ඉරාන යුද්ධයේදී එයට අදාළව විවිධ පුවත් සිය ගණනක් ඇසෙන මායිමේදීම මෙයට දින කීපයකට පෙරදී යුද්ධයටම අදාළ තවත් සුවිශේෂ පුවතක් ඇසෙන්නට විය. මෙම පුවත අපගේ ශ්රී ලංකාවටම අදාළ වන එකක් හෙයින් අප එය කෙරෙහි අවධානයක් යොමුකළ යුතුය. කෙසේ හෝ මෙම පුවත ජාත්යන්තරයේ කිසිදු ප්රකට මාධ්ය ආයතනයකින් වාර්තා කළ එකක් නොවීය. අන්තර්ජාලයේ විවිධ සමාජ මාධ්ය සහ ෆේස්බුක් පිටු හරහා එම පුවත ප්රකාශ වී තිබිණි. ඇමෙරිකාව හරහා මුලින්ම අසන්නට ලැබුණු පුවතට අදාළව එක් සුවිශේෂ ඡායාරූපයක්ද පළවී තිබිණි. මෙම ඡායාරූපය තුළින් පෙන්වා තිබුණේ අවමංගල්ය සිදුවීමක පුවතකි. ඉංග්රීසි බසින් පළවී තිබුණු එහි මධ්යයේ වූයේ හමුදා ඇඳුමින් සැරසී සිටින එක්තරා තරුණයකුගේ සේයාරුවකි. එසේම මෙම පෝස්ටරය තුළ තවත් යම් සිදුවීමක තොරතුරු ප්රකාශ කෙරී තිබිණි. එම සටහන කුමක්දැයි අපි සොයා බලමු.
පෝස්ටරයක ලෙසින් පළවී තිබුණු එම සේයාරුවේ ඉංග්රීසි බසින් සඳහන් වැකිවල සිංහල අරුත මෙසේ ගෙනහැර දක්වමු. එම සේයාරුවට අදාළව එහි යටින් ඉංග්රීසි බසින් පළවී තිබුණේ ‘මැදපෙරදිග යුද්ධයේදී මියගිය ප්රථම දෙමළ ජාතික ඇමෙරිකානු සොල්දාදුවා’ යන වදනයි. එයට අමතරව පෝස්ටරයේ ඇති ඉංග්රීසි වදන්වලින් මෙම සිංහල අරුත ගෙනහැර දැක්වීය.
‘ආදරණීය සිහිපත් කිරීමයි. ඇමෙරිකානු යුද හමුදාවේ පාබල හමුදාවේ නියුතුව සිටි විශාගන් සත්යමූර්ති. උපත 1993 මැයි 10- විපත 2026 මාර්තු 21. අවමංගල්ය උත්සවය අප්රේල් 02 බ්රහස්පතින්දා සවස 1.00ට ලොස් ඇන්ජලීස් ජාතික සුසාන භූමියේදී ඇමෙරිකානු යුද හමුදා ආචාර මධ්යයෙහි පැවැත්වෙයි…’
කුමක්ද මෙම සුවිශේෂ කතාන්දරය? යම් කාලයකට පෙරදී තම මවුපියන් සමග ඇමෙරිකාවට සංක්රමණය වුණු විශාගන් සත්යමූර්ති නමැති තරුණයා පසු කාල යකදී ඇමෙරිකානු යුද හමුදාවට බැඳී සේවය කර ඇත. ඔහු පසුගියදා මැදපෙරදිග යුද්ධයේදී මියගිය පුවත සත්යයක්ද? ඔහු යම් හේතුවකින් මියගිය බැව් නම් සත්යයකි. ඇමෙරිකානු ආරක්ෂක අංශ සහ මරණ පරීක්ෂණ වාර්තා ප්රකාශ කර ඇත්තේ මෙම පුද්ගලයා ඇමෙරිකාවේ ලොස් ඇන්ජලීස් නුවර එක්තරා මාර්ගයක වැටී මියගොස් සිටි බවත්, එම මරණය සියදිවි හානි කරගැනීමක් බවත්ය. එම මරණ වාර්තාව 2026-04854 ලෙසින්ද ප්රකාශයට පත්ව තිබිණි. මරණය ගැන මෙතෙක් සත්ය තොරතුරක් සොයාගන්නට නැත. නුදුරු දිනකදී එය හෙළිවනු ඇත.
ප්රියන්ත හෙට්ටිගේ
