දැනට රට තුළ පවතින තෙල් සංචිත අප්රේල් මාසය දක්වා පමණක් ප්රමාණවත් වීම හේතුකොට ගෙන යුද්ධය තවදුරටත් ඇදී ගියහොත් එළඹෙන මැයි මාසයේදී ලංකාවටද උග්ර බලශක්ති අර්බුදයකට මුහුණ දීමට සිදුවනු ඇති බව වාර්තා වේ.Sri Lanka Latest News
ජනාධිපති අනුර කුමාර දිසානායක මහතා මෙන්ම බලශක්ති අමාත්ය කුමාර ජයකොඩි මහතාද අවධාරණය කොට තිබෙන්නේ දැනට පවතින ඉන්ධන තොග අප්රේල් මාසය දක්වා ප්රමාණවත් බවය.
ඒ අනුව පෙට්රල් 92 වර්ගය අප්රේල් 23 වැනිදා දක්වාත්, පෙට්රල් 95 වර්ගය මැයි මස 10 වැනිදා දක්වාත්, ඩීසල් අප්රේල් 12 වැනිදා දක්වාත්, සුපර් ඩීසල් මැයි මස 10 වැනිදා දක්වාත්, ගුවන් යානා ඉන්ධන තවත් දින 30ක කාලයකටත් ප්රමාණවත් බව ජනාධිපතිවරයාත්, බලශක්ති අමාත්යවරයාත් අවධාරණය කොට තිබිණි.
කෙසේ වෙතත් මේ වනවිට හෝමූස් සමුද්ර සන්ධිය වසාදමා තිබීම නිසා ඉන්ධන ගෙන්වා ගැනීමේ බරපතළ අර්බුදයකට මුහුණ දීමට සියලු රටවලට සිදුව තිබේ.
ඒ අනුව පවතින තෙල් සංචිත අප්රේල් අවසානය වනවිට අවසන් වන පසුබිමක් යටතේ සැලසුම් කර ඇති පරිදි ඉන්ධන නෞකා ගෙන්වා ගැනීමට නොහැකි වුවහොත් මැයි මාසයේදී බරපතළ ඉන්ධන අර්බුදයකට මුහුණ දීමට ලංකාවට සිදුවනු ඇත.
