දේශපාලන බලය මත ඉඩම්වල අයිතිය ලබාදුන් යුගය මුළුමනින්ම අවසන් කරන බව ජනාධිපති අනුර කුමාර දිසානායක මහතා අවධාරණය කරනවා.Sri Lanka Latest News
එසේම විද්යාව හා තාක්ෂණයේ දියුණුව සමග ගොඩනැගෙන අලුත් උපාය මාර්ග සදහා ඉඩම් කළමනාකරණය කර ගනිමින් රටත් ජනතාවත් ඉදිරියට ගෙන යාමට සුදානම් බවයි ජනාධිපතිවරයා පවසන්නේ.
‘හිමිකම“ නිදහස් ප්රදානපත්ර ලබා දීමේ ජාතික වැඩසටහනේ සමාරම්භය ජනාධිපති අනුර කුමාර දිසානායක මහතාගේ ප්රධානත්වයෙන් පැවැත්වුණා.
ඒ අනුරාධපුර කොරකහවැව උතුරු මැද පළාත් සභා ශ්රවණාගාරයේදීයි.
මෙහිදී ඉඩම් හිමියන් 500 දෙනෙකු සදහා හිමිකම නිදහස් ප්රදානපත්ර බෙදා දීම සිදු කෙරුණා.
අමාත්ය සුසිල් රණසිංහ, නියෝජ්ය අමාත්ය නාමල් කරුණාරත්න, උතුරු මැද පළාත් ආණ්ඩුකාර වසන්ත ජිනදාස යන මහත්වරුන් මෙන්ම රාජ්ය නිලධාරීන්ද මෙම අවස්ථාවට එක්ව සිටියා.
වසර ගණනාවක් ජනතා ගැටලුවක්ව පැවති මෙම හිමිකම නිදහස් ප්රදාන පත්ර ලබා දීම යථාර්ථයක් කිරීමට වත්මන් රජය ක්රියා කළ අතර එය දිවයින පුරා සියලු දිස්ත්රික් ආවරණය වන පරිදී ක්රියාවට නැංවීමට ද කටයුතු කර තිබෙනවා.
අවසර පත්ර හා දීමනාපත්ර මත ප්රදානය කර ඇති ඉඩම් සංවර්ධනය කරමින් භුක්තිවිදින ගොවිජනතාව ප්රමුඛ මහජනතාවට එම ඉඩම්වල පරම අයිතිය ප්රදානය කිරීම වැඩපිළිවෙලේ අරමුණයි.
තම ඉඩමේ පරම අයිතිය නොමැතිවීමෙන් අදාළ භූමිය මානව අවශ්යතා හා සංවර්ධන අවශ්යතාවලට යොදා ගැනීමේදී එම ජනතාවට විවිධ ගැටලුවලට මුහුණ දීමට සිදුව තිබෙනවා.
ඒ අනුව මේ වන විටත් ඉඩම් සංවර්ධන ආඥා පනත යටතේ නිකුත් කර ඇති අවසර පත්ර හා දීමනා පත්රවල කොන්දේසි ඉවත් කර නිදහස් ප්රදානපත්රයක් ලබා දීමටයි කටයුතු යොදා තිබෙන්නේ.
ස්වකීය කැමැත්තෙන් රජයට භාර දෙන අවසර පත්ර හා දීමනා පත්ර සදහා නිදහස් ප්රදාන පත්රය ලබා දීම සිදුවනවා.
හිමිකම ප්රදානපත්ර ජාතික වැඩසටහනේ දි අදහස් දැක්වු අමාත්ය සුසිල් රණසිංහ මහතා ප්රකාශ කළේ පසුගිය කාලය පුරාම ඉඩම් හිමිකම ලබාදීම දේශපාලනීකරණය කර තිබු බවයි.
