රජය ක්රියාත්මක කරන්න සුදානම් අධ්යාපන ප්රතිසංස්කරණ සිදු කරන්නේ දෙමාපියන්ගේ මුදලින් සුහුරු පන්ති කාමර උපකරණ ස්මාර්ට් බෝර්ඩ් මිලට අරගෙන බවත් රාජකීය විද්යාලයේ පවා මේ වෙනුවෙන් මුදල් එකතු කර සුහුරු පන්ති කාමර උපකරණ ලබා ගන්න යැයි කියා ඇති බවත් කොලොන්න මැතිවරණය කොට්ඨාසයේ වීරබා මහා විද්යාලය, පනාමුර ප්රාථමික විද්යාලය වැනි විද්යාලවල පවා එවැනි ඉල්ලීම් සිදු කර ඇති බවත් ජනාධිපතිවරයා වෘත්තිය සමිති හමුවු අවස්ථාවේ කියන්නේ මේ සුහුරු උපකරණ රජයේ මුදලින් දෙනවා වුවත් පාසල්වලින් දෙමාපියන්ට මේවා දෙන්න කියා කියන බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
මේ අධ්යාපන ප්රතිසංස්කරණ ක්රියාත්මක කරන්න කිව්වේ සමගි ජන බල වේගය බවත් එදා ඉංග්රීසි ජපන් චීන හින්දි භාෂා අධ්යාපනය ගැන ICT ගැන කියද්දි සක්වළ වැඩසටහන ක්රියාත්මක කරන විට එය නිර්දය ලෙස විවේචනය කළේ වත්මන් රජයේ අය බවත් එදා එහෙම කිව්ව අය අද අධ්යාපන ප්රතිසංස්කරණවලට අසභ්ය දේවල් ගෙනවිත් අවසානයේ රජයම ඒවා නවත්වා දැන් දෙමාපියන් උපයෝගී කර ගෙන මේ ප්රතිසංස්කරණ ක්රියාත්මක කරන්න යැයි කියමින් යන බවත් දැන් රජය කරන්නේ සමාජ මාධ්ය උපයෝගී කර ගෙන ගොබෙල්ස් න්යාය ක්රියාත්මක කිරීම බවත් සමගි ජන බලවේගය මේ අධ්යාපන ප්රතිසංස්කරණවලට පක්ෂ වුවත් ප්රතිසංස්කරණයේ නාමයෙන් අධ්යාපනය අසභ්යකරණයට විරුද්ධ බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේ පැවැති විවාදය හා එක්වෙමිනි.
1-6 අධ්යාපන ප්රතිසංස්කරණ ක්රියාත්මක කරන්න එපා යැයි කිසි දින විපක්ෂය නොකියු බවත් රජයම ආරම්භ කළ අධ්යාපන ප්රතිසංස්කරණවල ඉංග්රීසි භාෂා මොඩියුලයේ අසභ්ය වෙබ් අඩවියක් සදහන් කර ඇති බවත් එය කළේ විපක්ෂය නොව ආණ්ඩුව බවත් අධ්යාපන ප්රතිසංස්කරණ 1-6 ශ්රේණිවලට ගෙන එන විට එයට විරුද්ධ නොවු බවත් විරුද්ධ වූයේ 6 ශ්රේණිය මොඩියුලයට අසභ්ය වෙබ් අඩවියක් ඇතුළත් කිිරීම නිසා බවත් අවසානයේ ජනාධිපතිවරයා විසින් මේ ප්රතිසංස්කරණ වසරකින් කල් දැමු බවත් ජනාධිපතිවරයා කියන ආකාරයට තාක්ෂණික ගැටලු, ගුරු පුහුණු ගැටලු නිසා මෙය 2027 සිට කරන බවට පැවසු බවත් විපක්ෂ නායකවරයා පැවසීය.
මේ ප්රතිසංස්කරණ හරියට කරන්න
විපක්ෂය කියන්නේ මේ ප්රතිසංස්කරණ නිවැරදි ආකාරයට ක්රියාත්මක කරන ලෙස බවත් අසභ්ය වෙබ් අඩවි දාන එක ආණ්ඩුවේ කාගේ හෝ පුද්ගලික අභිමතය වුවත් එය රාජ්ය ප්රතිපත්තිය නොවිය යුතු බවත් මේ වෙබ් අඩවිය ඇතුළත් වීම ගැන සමාජයේ විරෝධය මතු වෙද්දි පවා ඒවා මුද්රණය කර බෙදාහැර විශාල මුදලක් විනාශ කර එහි වරද විපක්ෂය පිට පටවන්න එන බවත් විපක්ෂ නායක සජිත් ප්රේමදාස මහතා පැවසීය.
අධ්යාපන ඇමතිවරිය රටේ නැති වෙලාවේ ඇයි මේ ආණ්ඩුව විපක්ෂයේ විශ්වාසභංගය කඩිමුඩියේ සාකච්ඡාවට ගන්න හදන්නේ ?
ආණ්ඩුක්රම ව්යවස්ථාවේ විශ්වාසභංග ගෙන එන වැඩපිළිවෙළක් ඇති බවත් එය ආණ්ඩුවේ අනුමැතිය පරිදි සිදුවිය යුතු දෙයක් නොවන බවත් අධ්යාපන අමාත්යවරිය රටේ නැති වෙලාවේ විශ්වාසභංගයක් ගෙන ඒමට ආණ්ඩුව කැමති හේතුව සිතාගත නොහැකි බවත් එතුමිය ට අසාධාරණයක් නොකර එතුමියටත් අදහස් පළ කරන්න අවස්ථාව ලබා දී මේ විශ්වාසභංග යෝජනාව විවාදයට ගත යුතු බවත් මේ අවස්ථාවේ රජයම අධ්යාපන අමාත්යවරියට එරෙහිව කුමන්ත්රණයක් සිදු කරනවාද කියා සැකයක් ඇති බවත් විපක්ෂ නායක සජිත් ප්රේමදාස මහතා පැවසීය.
