සිංහල සහ දෙමළ අලුත් අවුරුද්ද වැනි විශේෂ උඅවස්ථාවල පොලිස් සේවයේ නිරත ඇතැම් නිලධාරීන් උසස් පොලිස් නිලධාරීන්ට සුබ පැතීම සඳහා තුටුපඬුරු පිරිනැමීම පුරුද්දක් වශයෙන් සිදුව ඇති බවද, මින් ඉදිරියට පොලිසියේ උසස් නිලධාරීන්ට එසේ තුටුපඬුරු පිරිනැමීම වහාම නැවැත්විය යුතු බවද, පොලිස්පති ප්රියන්ත වීරසූරිය මහතා ලිපියක් නිකුත් කරමින් කියා සිටී.Sri Lanka Latest News
මෙම නියෝගය ශ්රී ලංකා පොලිස් සේවයේ නිරත සිවිල් කාර්ය මණ්ඩලය වෙතද අදාළ වන බව පොලිස්පතිවරයාගේ ලිපිය මගින් වැඩි දුරටත් දැනුම්දී තිබේ.
එසේම යම් නිලධාරියකුට එවැනි සුබ පැතීමක් කළ යුතු නම් දුරකතනය මගින් කතාකොට හෝ වට්ස් ඇප් කෙටි පණිවුඩයක් මගින් සිදුකිරීම ප්රමාණවත් බවද, ඒ හැර එසේ කිරීමට උසස් පොලිස් නිලධාරීන් මුණගැසීම ඉදිරියේදී සිදුනොවිය යුතු බවද එම ලිපිය මගින් වැඩිදුරටත් දැනුම් දී තිබේ.
මෙම නියෝගය සහිතව පොලිස්පතිවරයාගේ අස්සනින් නිකුත් කර ඇති ලිපිය මගින් උසස් පොලිස් නිලධාරීන්ද, එවැනි තුටු පඬුරු භාරගැනීම මින් ඉදිරියට නොකළ යුතු බවද අවධාරණය කර ඇත.
මෙකී නියෝගය කඩ කරන අයට නීත්යානුකූලව පියවර ගත යුතු බවද එම ලිපිය මගින් වැඩිදුරටත් අවධාරණය කෙරේ.
පොලිස්පතිගේ මෙම ලිපිය පළාත් භාර නියෝජ්ය පොලිස්පතිවරු, ජ්යෙෂ්ඨ පොලිස් අධිකාරිවරු, කොට්ඨාස භාර හා ඒ ඒ දිස්ත්රික් භාර ජ්යෙෂ්ඨ පොලිස් නිලධාරීන් වෙත යොමුකර තිබේ.
නන්දන ශ්රී දොරකුඹුර
