ජනාධිපති අනුර කුමාර දිසානායක මහතාට ඇතැම් සමාජ මාධ්ය පරිශීලකයන් දැඩි ලෙස අපහාස කරන බවට අමාත්යවරයකු විසින් කළ ප්රකාශයක් සම්බන්ධයෙන් ප්රවීණ රංගන ශිල්පී කුමාර තිරිමාදුර මහතා අදහස් දක්වා තිබෙනවා. Art Center යූටියුබ් නාලිකාව සමග සංවාදයකට එක්වෙමින් ඔහු සඳහන් කළේ වත්මන් ආණ්ඩුව විපක්ෂයේ සිටියදී එවක ආණ්ඩු බලය හෙබවූ ප්රධානීන්ට කළ අපහාසයන් ඔවුන්ට අද අමතකව ඇති බවයි. පහත පළවන්නේ එම යූටියුබ් සංවාදයෙන් උපුටාගත් කොටසකි.Sri Lanka Latest News
මම දැක්කා ඇමැති ආනන්ද විජේපාල කියනවා දිගින් දිගටම මේ ගංවතුර නිසා අනුර කුමාර සහෝදරයට අපහාස කරනවා ජරා විදිහට යූටියුබර්ස්ලා බණිනවා, ඒකට නීති මගින් ක්රියාත්මක කරනවා කියලා. ඇමැති සුනිල් වටගලත් කියනවා ඒක.
හරි. එතකොට මයිනා කියලා පටන් ගත්තේ කවුද? මට මහින්ද රාජපක්ෂ මොකක්වත් අදාළ නෑ. ආ ‘මයිනා මයිනා මයිනා මයිනා’ කියලා හැදුවා. එතකොට මහින්දගේ හිත රිදුණේ නැද්ද? අනුරගේ හිත විතරද රිදෙන්නේ? ‘කපුටා කපුටා කපුටා කපුටා’ කියලා ගැහුවා. එතකොට දැන් නාමල්ට ගහන්නේ ‘නාමලේ’ කියලා. එතකොට හිතෙන්න ඕනේ මටත් මේක එනවා. අරෙහෙට සුනාමිය ආවා නම් අපිට ගංවතුර එනවා කියලා හිතන්න ඕනේ. මේක බුදු දහමින් මම කතා කරන්නේ. බුදු හාමුදුරුවෝ කියන්නේ මෙහෙට ගියොත් ඔයාටත් වෙනවා. බඩු ඇවිල්ලනේ තියෙන්නේ දැන්.
එතකොට… ‘පුතාණෝ’ කියලා සජිත්ට ගැහුවා. ‘ඔය පුතානෝ කියන්නේ’ කියලා පාර්ලිමන්ට් එකේ ගැහුවා. එතකොට ඒගොල්ලොනේ ඉස්සෙල්ලා ඒක නවත්තන්න ඕනේ. රාජ්ය නායකයන්ට අපහාස කරන්න එපා කියලා. විශේෂයෙන්ම යූටියුබර්ස්ලාට කියන්න ඕනේ රජයේ හිටපු හරි ඉන්න නායකයන්ට අපහාස කරන නම් පාවිච්චි කරන්න එපා කියලා. එක්කෝ නීතියක් ගේන්න ඕනේ. ඒක ඕකේ. කුණුහරුපෙන්නෙ බැන්නේ. ‘අඩෝ තෝ’ ‘ගෝඨා’ එහෙම කතා කරන එක හරිද? අන්න හොඳයි.
ඉස්සර කවදාකවත් අපි ජේ.ආර් ජයවර්ධනටවත් රාජ්ය නායකයෙක්ටවත් බැනලා පත්තරවල ලිව්වේ නෑ. ඒගොල්ලෝ උකුස්සා කියලා ලිව්වා. වක්රව ගැහුවා. තේරුණාද? ඒ කියන්නේ වෙන කොලම් එකක් හැදුවා ඒගොල්ලන්ට ගහන්න. ඒගොල්ලෝ උකුස්සගෙන් ගැහුවේ ඒක. නමුත් නම්ගම්වලට ඔය වගේ අපහාස කරලා, පහත් කරලා ගැහුවේ නෑ. ඔහොම රාජ්ය නායකයන්ට එහෙම කරන්න හොඳ නෑ. මොනවා වුණත් රටක ඡන්දෙකින් බලයට පත්වෙච්ච මිනිස්සුනේ. ඒගොල්ලෝ බලෙන් ආවේ නෑනේ. ඒගොල්ලෝ දෙන්න කියලා කිව්වා.
දැන් ඒකේ මට තියෙන තර්කය… අර ඔක්කොටම මයිනයි, පුතානෝයි ඔක්කොම කියන්න හොඳයි. අනුර සහෝදරයට බනිනකොට හොඳ නෑ. ඉතින් එහෙම වෙන්න බෑනේ. ඔන්චිල්ලාව එහෙට ගියොත් මෙහෙටත් එන්න ඕනේ…
චානක ලියනගේ
