ප්‍රයිම් සමූහයේ The Beach Front – I උස්වැටකෙයියාව පාරිභෝගිකයන් අතට

ශ්‍රී ලාංකීය දේපළ වෙළෙඳාම් ක්ෂේත්‍රයේ පුරෝගාමීත්වය උසුලන සම්මානලාභී ප්‍රයිම් සමූහය සිය Apartment ව්‍යාපෘතීන් අතරින් තවත් සුවිශේෂ ව්‍යාපෘතියක සියලු ඉදිකිරීම් නිමකොට පසුගිය 25 වැනිදා උත්සවාකාරයෙන් පාරිභෝගිකයන් අතට පත් කළේය. වත්තල උස්වැටකෙයියාව නිල් සමුදුරට මුහුණලා මනස්කාන්ත තැනක ඉදිවූ The Beach Front – I උස්වැටකෙයියාව නිදහසේ සුඛෝපභෝගීව කල් ගත කළ හැකි නවීනතම නිවාස 72කින් සමන්විතයි. ප්‍රයිම් සමූහය සම්පූර්ණයෙන් ඉදිකිරීම් නිමා කළ 36 වැනි සහාධිපත්‍ය ව්‍යාපෘතිය (Apartment Project) වන The Beach Front සියලු මූලික අනුමැතීන් සහ අනුකූලතා සහතිකයද ලබා ගත් ව්‍යාපෘතියක් වේ.

මනරම් වෙරළට මායිම්ව මනා ඉඩකඩකින් යුක්ත නිදන කාමර 2ක් සහිතව ඉදිවූ The Beach Front – I උස්වැටකෙයියාව සයුරු රළෙහි චමත්කාරය නිරායාසයෙන් අත්විඳිය හැකි සුවිශාල සඳළුතලයකින්ද සමන්විතයි. ඉන්දීය සයුරේ නිල් දියවර අබියස පිහිටි සුඛෝපභොගීත්වය වෙත කොළඹ නගරයේ සිට විනාඩි 30කින් ළඟාවිය හැකි The Beach Front – I උස්වැටකෙයියාව සිත සනසන නිවාඩු නිකේතනයකට සුදුසුම ස්ථානයකි.

සම්පූර්ණයෙන් වායුසමීකරණය කළ නිවාස නවීන පන්නයේ පැන්ටි්‍ර කබඞ්, induction Hob, Hood, මයික්‍රොවේව් උඳුන ආදී උසස් තත්ත්වයේ මුළුතැන්ගෙයි උපකරණවලින් සහ LED විදුලි උපාංග (Light Fittings) ඇතුළුව Hans Grohe ජල කරාම, American Standerd නාන කාමර කට්ටලවලින්ද යුක්තය.