නව පරපුරේ දක්ෂ රංගන ශිල්පිනියක් වන ඇය පුංචි තිරයට අහිංසකාවියක්. ආදරය හොයන, ආදරය විඳින ඇය මේ දවස්වල ආදරණීය නිර්මාණයක කතා නායිකාව බවට පත්වෙලා. ඇය ඒ චරිතයට මුහුණ දුන්න විදිය ගැන කතා කරන්න ‘හාට්’ අපි සවිනි යකුපිටියව සම්බන්ධ කරගත්තේ මේ විදියට.Sri Lanka Latest News
සවිනි මේ දවස්වල ආදරය විඳින්න උත්සාහ කරන බව දකිනවා?
මගෙ ජීවිතයට ආදරය අවශ්යයි. පිවිතුරු ආදරයට මමත් හදවතින්ම ආදරය කරනවා. පවුලේ අයගෙන් ආදරය මට ලැබෙනවා. ඒ වගේම මගතොටදී ප්රේක්ෂකයන්ගෙන් ආදරය ලැබෙනවා. ආදරය විවිධාකාර විදියට මම විඳිනවා.
‘2024 ලව්’ ටෙලිඩ්රාමා එකේ එයට වඩා ගැඹුරු ආදරයක් අත්විඳිනවා?
ඔව්. ඒ චරිතය තුළ මම ගැඹුරින් ආදරය හොයනවා. පවුලේ හැමෝම මාව තනිකරලා ගිහින්. ඒ නිසාම මම ආදරය රැකවරණය මගෙ පෙම්වතාගෙන් වැඩිපුරම බලාපොරොත්තු වෙනවා.
ඔබේ ජීවිතයට සමාන චරිතයක්ද අපි මේ දකින්නේ?
මගෙ විතරක් නෙවෙයි. ආදරය කරපු ගැහැනු ළමයි මුහුණ දෙන ප්රශ්නයක් තමයි මම චරිතයක් තුළින් සමාජගත කරන්නේ. හැබැයි ඉතින් ඒ චරිතය මගේ ජීවිතයට සමීපයි කිව්වොත් වැරැදි නැහැ. සමහර ගැහැනු ළමයි මේ මගේ ආදරය කතාව තමයි කියලා ප්රේක්ෂක ප්රතිචාර හරහා කියනවා. කොටසින් කොටස අපිව හඬවනවා. ඒ තරමට තාත්වික විදියට රඟපානවා කියලා කියනවා. මගතොටදී ලැබෙන ප්රතිචාර ඔය විදියට තමයි.
එවැනි දර්ශන තලවලට ඔබ හැඩගැසෙන විට ඔබගේ ප්රතිරූපයට හානියක් වෙයි කියලා හිතුණේ නැද්ද?
මගෙ ටැලන්ට් එකේ සම්භාවිතාව වැඩිනම් මම ඒ චරිතයට සාධාරණයක් කරනවා. යෂ් එක්ක රඟපාන්න ලැබුණු පළමු දර්ශනය රඟපාන්න බයේ හිටියේ මම එහෙම රඟපාලා නැති නිසා. මම දෙතුන් පාරක් හිතුවා මම ඉන්න විදියත් එක්ක. පස්සේ අධ්යක්ෂතුමිය මට පැහැදිලි කරලා දුන්නා බයවෙන්න දෙයක් නැහැ කියලා. එතුමියගේ පැහැදිලි කිරීමත් සමග මම චරිතයට සාධාරණයක් කිරීමට උත්සාහ කළා. මට තිබුණු ලොකුම බය තමයි ප්රේක්ෂකයන් මොන විදියට එය වැලඳගනීවිද කියලා. ටික ටික මගේ බය නැතිවුණා.
සරාගී චරිතයක් කරන්න ලැබුණොත්..?
මමත් සරාගී චරිතවලට කැමැති නැහැ. මම මේ නිරූපණය කරන නිර්මාණ තුළ වුණත් සරාගීකමක් නැහැ. ආදරය තුළ හැඟීම්බර වීමක් විතරයි.
වසන්ත විතාරණගේ
