රනිල් වික්රමසිංහ මහතා සම්බන්ධයෙන් හිටපු මන්ත්රී මහාචාර්ය රංජිත් බණ්ඩාර මහතා සිය ෆේස්බුක් පිටුවේ තබා තිබූ සටහන මෙසේය.Sri Lanka Latest News
“ඒ රාත්රී තුනක, දින හතරේ මෙහෙයුම අවසන්: SLPP හි අනාගතය ආරක්ෂා කිරීම පිළිබඳ පුංචි මතක් කිරීමක්”
මහාචාර්ය රංජිත් බණ්ඩාර, PhD (Qld.)
කොළඹ විශ්ව විද්යාලයේ සම්මාණිත මහාචාර්ය
පසුගිය සිකුරාදා හිටපු ජනාධිපති රනිල් වික්රමසිංහ මහතා අත්අඩංගුවට ගත් මොහොත සිට ඇප ලැබුන 26 වනදා දක්වා කාලය මට “රාත්රී තුන සහ දින හතරේ මෙහෙයුම” ලෙස හදුන්වා දියයුතුයැයි සිතුනා. ඒක එතරම්ම මෙහෙයුම් ගති ලක්ෂණ පෙන්නුම් කලහ. ඒත දැන් එය අවසන්. අපි තවදුරටත් අවධානය වෙනතකට යොමු නොකළ යුතුය. අපි අපේම මාර්ගයට හැරවිය යුතුය. මගේ අවබෝධයේ හැටියට අපිට පොහොට්ටුකාරයන් ලෙස මේ මොහොත යනු පරාවර්තනයේ, අවංකභාවයේ සහ එකමුතුකමේ කාලයයි.
රනිල්ගේ කාර්යභාරය
රනිල් වික්රමසිංහ මහතා අපගේ අවබෝධයේ හැටියට අප පක්ෂයේ දැක්ම හෝ වටිනාකම් කිසිදා බෙදා හදාගෙන නැත. ඔහු නිසැකවම අපගේ දේශපාලන අනන්යතාවය විනාශකලා එය විකෘති කළා. ජනතාව අපට භාර දුන් රාජපක්ෂ උරුමයට හානි කළා. රාජපක්ෂවරුන්ගේ දේශපාලන අනාගතය තීරණාත්මක ලෙස විනාශකලා.
ඔහුව “ගැළවුම්කරුවෙකු” ලෙස දකින අය නිවැරදිව ඔහුව කියවීමට අපොහොසත් වී ඇති බව අපගේ අදහසයි. ඔහුගේ දේශපාලන ඉතිහාසය පෙන්වන්නේ එකම සත්යයක්: ඔහුගේ දේශපාලනයේදී සේවය කරන්නේ ඔහුටම පමණි. පක්ෂයට නොවේ. ජනතාවට නොවේ. ජාතියට නොවේ. සෑම විටම බොරදියේ මාලු බෑමට දක්ෂය.
අපි අමතක නොකළ යුතුය. ඔහු විසඳන බව කියන අර්බුද, යහපාලන යුගයේදී ඔහුගේ අධීක්ෂණය යටතේ නිෂ්පාදන කල ඒවාම වේ.
අප ඔහුට පෞද්ගලිකව අනුකම්පාව දැක්වූවත්, ඔහු විසින් අප පක්ෂයට සිදු කරන ලද හානිය තවදුරටත් නොබලා සිටිය නොහැක.
බෙදීමේ අනතුර
රනිල් ශක්තිමත් වන්නේ අප බෙදී සිටින විට පමණි. SLPP ප්රභලයන් සහ කැපීපෙනෙන සාමාජිකයින් තනි තනිව ඔහුගේ ගාලට ඇදෙන විට, අපගේ සාමූහික බලය දුර්වල වීම අනිවර්යයි. එය අප අත්දැක්කා. අදත් අත් දකිමින් ඉන්නවා.
“රාත්රී තුන සහ දින හතර මෙහෙයුම” අපට මතක් කර දෙන එක ඇත්තක් නම් අපගේ අනන්යතාවයම අවදානමට පත්ව ඇති බවයි. එම වැරැද්ද නැවත සිදු කළහොත්, SLPP ඔහුගේ පැවැත්මට පමණක් මෙවලමක් බවට නැවතවාරයක් පත්කරගනු ඇත.
අතීතයෙන් උගතයුතු පාඩම්
අප මහනුවර දිස්ත්රික්කයේ මැතිවරණ ව්යාපාර මෙහෙය වන අවදියේ අප පක්ෂයේ නිර්මාතෘ බැසිල් රාජපක්ෂ මහතා මට කදිම උපදෙසක් දුන්නා:
“ක්ෂණික ජයග්රහණ අපේක්ෂා නොකරන්න. දේශපාලනයේ වැදගත් වන්නේ කාලය සහ ඉවසීමයි.”
ඒ ප්රඥාව අදටත් සත්යයි. අපට වෙනත් කෙනෙකු විය නොහැක. අපේ ආරම්භක වටිනාකම් මත අපිම ගොඩනගන්න යුතුය. අපේම දේට පක්ෂපාතී විය යුතුය. අපේම අරමුණට විශ්වාසවන්තව සිටිය යුතුය.
එක්සත් වීමට කැඳවීම
මෙය SLPP නායකයින්ට, සංවිධායකයින්ට, සහ ආධාරකරුවන් තම අවධානය ගැඹුරුන් යොමු කළ යුතු මොහොතයි. අපගේ ව්යාපාරය නැවත රනිල්ට විකුණන්න එපා. ඔහුගේ අසාර්ථකත්වයේ බර ඔහුටම දරන්න ඉඩ දෙන්න. ඔහු සමග අපට ගමනක් නැත.
අපගේ යුතුකම SLPP හි අඛණ්ඩතාව ආරක්ෂා කිරීමයි. එකමුතුකම, විනය, සහ ආරම්භක දැක්මට කැපවීම අපගේ ශක්තියයි.
එක්ව ඉදිරියට
ජනතාව SLPP වෙත භාර දුන්නේ ශක්තිය, ස්ථාවරත්වය සහ ජාතික වටිනාකම් ආරක්ෂා කිරීමට අප පොරොන්දුවිය යුතුයි. එම පොරොන්දුව අවස්ථාවාදී සන්ධාන හරහා ඉටු කළ නොහැක. අපේ මාවත පැහැදිලිය. ජවය සහ බලය අප සතුව ඇත. ඒ බාහිර උපාමාරුවලට එරෙහිව සිටීම අප හැකියාව ලබා ගත යුතුයි.
SLPP හි අනාගතය. ශ්රී ලංකාවේ අනාගතය. එය එකම මග මත රඳා පවතී. අපට ඇත්තේ අපගේ අනන්යතාව ආරක්ෂාකරගෙන ඉදිරියට යාමක් මිස කලබලයට සන්ධාන ගතවීමක් නොවේ.
ස්තුතියි !
